Actualitats
L'estat francés refortís sa frontièra politica que travèrsa Catalonha
Lo contraròtle de la polícia, qu’es ara sul peatge de l’A9 a El Voló, se mourà al pas frontalièr de l’autoestrada per blocar l’intrada de migrants e refugiats
La frontièra politica que travèrsa Catalonha aurà mai de contraròtles policièrs del costat de l’estat francés, mai concretament a El Pertús, per blocar l’intrada de migrants e refugiats. Lo ministre francés de l’Interior, Christophe Castaner, s’inquieta ara d’aquela frontièra mai que de l’italiana.
“Espanha a conegut una aumentacion d’un150 a un 155% de las intradas de migrants sus son territòri e doncas una partida d’aquelas populacions pòt vòler intrar en França”, çò diguèt, dins sa vesita en Catalonha Nòrd diluns passat, 12 de novembre.
Atal, lo ministre anoncièt que lo contraròtle de la polícia, qu’es ara sul peatge de l’A9 a El Voló, se desplaçariá al pas frontalièr de l’autoestrada e seriá operacional a la mitat de 2019.
Lo ministre francés vesitèt Catalonha Nòrd durant una ora e mièja, e puèi seguiguèt son viatge devèrs Madrid per rescontrar son omològ espanhòl e evocar amb el aquela question migratòria.
L'endeman del jorn que Macron critiquèt lo barrament de las frontièras
L'anóncia de Castaner arribèt just un jorn qu’Emmanuel Macron aguèt criticat lo barrament de las frontièras dins sa commemoracion de l’armistici de 1918. Long de las commemoracions de la data istorica, Macron insistiguèt per far d’analogias entre l’Euròpa actuala e la de fa un sègle. “Lo nacionalisme puèja, demanda lo barrament de las frontièras, preconiza lo refús de l’autre”, çò diguèt en tot avertir que l’istòria se poiriá repetir.
“Espanha a conegut una aumentacion d’un150 a un 155% de las intradas de migrants sus son territòri e doncas una partida d’aquelas populacions pòt vòler intrar en França”, çò diguèt, dins sa vesita en Catalonha Nòrd diluns passat, 12 de novembre.
Atal, lo ministre anoncièt que lo contraròtle de la polícia, qu’es ara sul peatge de l’A9 a El Voló, se desplaçariá al pas frontalièr de l’autoestrada e seriá operacional a la mitat de 2019.
Lo ministre francés vesitèt Catalonha Nòrd durant una ora e mièja, e puèi seguiguèt son viatge devèrs Madrid per rescontrar son omològ espanhòl e evocar amb el aquela question migratòria.
L'endeman del jorn que Macron critiquèt lo barrament de las frontièras
L'anóncia de Castaner arribèt just un jorn qu’Emmanuel Macron aguèt criticat lo barrament de las frontièras dins sa commemoracion de l’armistici de 1918. Long de las commemoracions de la data istorica, Macron insistiguèt per far d’analogias entre l’Euròpa actuala e la de fa un sègle. “Lo nacionalisme puèja, demanda lo barrament de las frontièras, preconiza lo refús de l’autre”, çò diguèt en tot avertir que l’istòria se poiriá repetir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo comandament dels mossos tamben han sortit al video.
Lo gobérn francés e espanhol sempre díuen de obrir fronteiras, encontres aixo lo que fan es fermá fronteiras.
Benlèu qu'es per que lo VALLS ne capite pas a s'en tornar a aquel costat dels Pireneus... :)
Refortir la frontièra? Per que passen pas las idèas perniciosas pel jacobnisme?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari