Actualitats
Tèrratrem politic al Reialme Unit a causa de l’acòrdi amb l’Union Europèa sul Brexit
Ara per ara, an demissionat cinc ministres del govèrn de Theresa May e al parlament britanic se parla d’entamenar un vòte de fisança per fòrabandir la primièra ministra
Tèrratrem politic al Reialme Unit a causa de l’acòrdi amb l’Union Europèa sul Brexit. Per ara, an demissionat cinc ministres del govèrn de Theresa May e al parlament britanic se parla d’entamenar un vòte de fisança per fòrabandir la primièra ministra. Coma possibles successors de May, se pensa a de defensors d’un Brexit dur, coma l’èx-ministre dels afars estrangièrs Boris Johnson, los èx-ministres del Brexit David Davis e Dominic Raab o ben l’èx-ministra del Trabalh Esther McVey.
Mentretant, Theresa May refusa de demissionar coma primièra ministra e mai reconesca que la negociacion amb l’UE es estada “frustranta”. Totun, ela assolida qu’a trabalhat nuèch e jorn per defendre “l’interès nacional”. Segon May, “la causida es clara: o ben quitar l’UE sens cap d’acòrdi e riscar d’aver pas cap de Brexit, o sosténer lo melhor pache que se pòsca negociar”.
Lo cap de l’oposicion, Jeremy Corbyn, acusa la primièra ministra de dirigir un govèrn caotic e de presentar un fals dilèma “entre un marrit acòrdi e la manca d’acòrdi”. Segon el, l’acòrdi amb l’Union Europèa es nascut mòrt perque a quitament pas lo sosten del ministre del Brexit, que prenguèt en carga las convèrsas. Corbyn a demandat a May que retire “aquel mièg acòrdi, qu’a pas lo sosten del gabinet, del parlament ni del país”’.
L’acòrdi de la polemica
Lo principi d’acòrdi pachat entre Londres e Brussèlas sul Brexit es un tèxt de 585 paginas devesit en 185 articles e 3 protocòls.
Los ponches mai polemics tòcan:
Mentretant, Theresa May refusa de demissionar coma primièra ministra e mai reconesca que la negociacion amb l’UE es estada “frustranta”. Totun, ela assolida qu’a trabalhat nuèch e jorn per defendre “l’interès nacional”. Segon May, “la causida es clara: o ben quitar l’UE sens cap d’acòrdi e riscar d’aver pas cap de Brexit, o sosténer lo melhor pache que se pòsca negociar”.
Lo cap de l’oposicion, Jeremy Corbyn, acusa la primièra ministra de dirigir un govèrn caotic e de presentar un fals dilèma “entre un marrit acòrdi e la manca d’acòrdi”. Segon el, l’acòrdi amb l’Union Europèa es nascut mòrt perque a quitament pas lo sosten del ministre del Brexit, que prenguèt en carga las convèrsas. Corbyn a demandat a May que retire “aquel mièg acòrdi, qu’a pas lo sosten del gabinet, del parlament ni del país”’.
L’acòrdi de la polemica
Lo principi d’acòrdi pachat entre Londres e Brussèlas sul Brexit es un tèxt de 585 paginas devesit en 185 articles e 3 protocòls.
Los ponches mai polemics tòcan:
— Los dreches dels mai de tres milions de ciutadans de l’UE que vivon al Reialme Unit e lo milion de britanics que demòran dins l’UE. Poiràn contunhar de trabalhar, de beneficiar dels servicis publics, recampar lors familhas e demandar lo permés de residéncia.
— Lo periòde de transicion a establit una data limit del 31 de decembre de 2020, que se poirà esperlongar se cal. Mentretant, lo Reialme Unit deu seguir las nòrmas de l’UE.
— Lo Reialme Unit prendrà sa partida del deute exterior de l’Union Europèa. Atal los britanics n’assumisson 45 miliards d’èuros malgrat que Londres aja calculat mens de la mitat d’aquela chifra, e quitament aja pensat de pagar pas res.
— La frontièra de l’Irlanda del Nòrd es tanben un subjècte fòrça delicat. Las doas partidas de las negociacions vòlon evitar una frontièra dura amb de contraròtles doanièrs estrictes dins l’illa d’Irlanda. Ara per ara, an previst un acòrdi que permeta de manténer la supression d’aquela frontièra, mas se l’acòrdi arriba pas abans de decembre de 2020, intrarà en vigor lo nomenat “backstop” o “filat de seguretat” que fariá de l’Irlanda del Nòrd una mena de territòri singular ont qualques unas de las mèrças que passarián serián jos la tutèla de Brussèlas. Aquò representa una pèrda de sobeiranetat d’aquel territòri intolerabla pels eurosceptics pus radicals. Una autra proposicion seriá d’apondre una tresena frontièra entre l’Irlanda del Nòrd e l’illa de la Granda Bretanha, çò que pels unionistas britanics es un subjècte tabó.
— Lo periòde de transicion a establit una data limit del 31 de decembre de 2020, que se poirà esperlongar se cal. Mentretant, lo Reialme Unit deu seguir las nòrmas de l’UE.
— Lo Reialme Unit prendrà sa partida del deute exterior de l’Union Europèa. Atal los britanics n’assumisson 45 miliards d’èuros malgrat que Londres aja calculat mens de la mitat d’aquela chifra, e quitament aja pensat de pagar pas res.
— La frontièra de l’Irlanda del Nòrd es tanben un subjècte fòrça delicat. Las doas partidas de las negociacions vòlon evitar una frontièra dura amb de contraròtles doanièrs estrictes dins l’illa d’Irlanda. Ara per ara, an previst un acòrdi que permeta de manténer la supression d’aquela frontièra, mas se l’acòrdi arriba pas abans de decembre de 2020, intrarà en vigor lo nomenat “backstop” o “filat de seguretat” que fariá de l’Irlanda del Nòrd una mena de territòri singular ont qualques unas de las mèrças que passarián serián jos la tutèla de Brussèlas. Aquò representa una pèrda de sobeiranetat d’aquel territòri intolerabla pels eurosceptics pus radicals. Una autra proposicion seriá d’apondre una tresena frontièra entre l’Irlanda del Nòrd e l’illa de la Granda Bretanha, çò que pels unionistas britanics es un subjècte tabó.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ni un duro per Europa dels banquiers. Res de res,que ja han raubar abastament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari