Actualitats
Jornada de protèstas dins tot l'estat francés contra la pojada dels prèses dels carburants
Lo movement dels “Gilets Jaunes” talhèt mai de 2000 estradas e daissèt lo bilanç d’una persona mòrta, de 409 personas nafradas, dont 14 grèvas, e de 282 arrestacions
Dissabte passat, tot l’estat francés —e de rebucada la màger part d’Occitània— visquèt una jornada de protèstas contra la pojada de las taxas suls carburants. Lo conegut movement dels “Gilets Jaunes” que talhèt mai de 2000 estradas e que daissèt lo bilanç d’una persona mòrta, de 409 personas nafradas, dont 14 grèvas, e de 282 detenguts. Se parla de gaireben 290 000 manifestants.
L’origina d’aquela protèsta es l’aument del prètz del gasòli de 0,075 èuros per litra e de la benzina de gaireben 0,04. En contrapartida, lo govèrn d’Édouard Philippe anoncièt un plan de 500 milions d’èuros d’ajudas publicas per renovelar las veituras, çò qu’a pas reüssit a arrestar la protèsta.
D’efièch, las mobilizacions vòlon tanplan rebatre lo malcontentament dels ciudatans envèrs l’aument dels impòstes en general.
Los Gilets Verds
Fàcia a las revendicacions dels “Gilets Jaunes” es aparegut lo Movement dels “Gilets Verds” compausat de certans ciutadans que creson que la revendicacion es pauc ecologista e durabla. Mai que manifestar contra la pojada del prètz dels carburants creson que se cal batre per la gratuïtat dels transpòrts en comun, la redobertura de las linhas ferroviàrias barradas e l’enebicion de totes los nòus projèctes d’extraccion fossila. L’amplor d’aquel movement es fòrça mens granda que la dels “Gilets Jaunes”.
Avalanca d’ironia en Catalonha e Aran
Mentretant, de ciutadans d’Aran, del Principat de Catalonha e d’endacòm mai de l’estat espanhòl an inondat los rets socials de messatges ironics en demandant çò que se seriá passat se los “Gilets Jaunes” aguèsson manifestat dins l’estat espanhòl.
De soslinhar que los Comitats de Defensa de la Republica (CDR) e d’autres activistas son perseguits per “rebellion e terrorisme” car la justícia considèra que getar de pintura, talhar una estrada o levar la barrièra d’un peatge es un acte de “violéncia”.
Podètz trobar una seleccion d’aqueles comentaris ironics dins El Nacional.
L’origina d’aquela protèsta es l’aument del prètz del gasòli de 0,075 èuros per litra e de la benzina de gaireben 0,04. En contrapartida, lo govèrn d’Édouard Philippe anoncièt un plan de 500 milions d’èuros d’ajudas publicas per renovelar las veituras, çò qu’a pas reüssit a arrestar la protèsta.
D’efièch, las mobilizacions vòlon tanplan rebatre lo malcontentament dels ciudatans envèrs l’aument dels impòstes en general.
Los Gilets Verds
Fàcia a las revendicacions dels “Gilets Jaunes” es aparegut lo Movement dels “Gilets Verds” compausat de certans ciutadans que creson que la revendicacion es pauc ecologista e durabla. Mai que manifestar contra la pojada del prètz dels carburants creson que se cal batre per la gratuïtat dels transpòrts en comun, la redobertura de las linhas ferroviàrias barradas e l’enebicion de totes los nòus projèctes d’extraccion fossila. L’amplor d’aquel movement es fòrça mens granda que la dels “Gilets Jaunes”.
Avalanca d’ironia en Catalonha e Aran
Mentretant, de ciutadans d’Aran, del Principat de Catalonha e d’endacòm mai de l’estat espanhòl an inondat los rets socials de messatges ironics en demandant çò que se seriá passat se los “Gilets Jaunes” aguèsson manifestat dins l’estat espanhòl.
De soslinhar que los Comitats de Defensa de la Republica (CDR) e d’autres activistas son perseguits per “rebellion e terrorisme” car la justícia considèra que getar de pintura, talhar una estrada o levar la barrièra d’un peatge es un acte de “violéncia”.
Podètz trobar una seleccion d’aqueles comentaris ironics dins El Nacional.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Lo torn de qué ?…
Endavant jecas grogas contra lo nazisme!
#12 Où l'ome ! Te cal pas doblidar tanpauc la color prestigiosa del malhot jaune dins lo Tour de France. Una legenda occitana tanben.
Lo jaune es vengut la color dels contestataris ! Tot càmbia. Aquò rai.La vièlha voliá pas morir que totjorn apreniá quicòm de novèl.
Un còp èra lo jaune èra la color de lo que teniá pel patron.
Per una manifestacion qu'anonciavan jaianta de pas creire... 290 000 personas ? Aquò me semble pas tant qu'aquò... Non ? Juste per comparar, l'an passat vès Barcelona se massèron 500 000 manifestaires per damandar l'aculhença daus meirants e pasmens Catalonha ten nòu còps mens d'abitants que França !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari