Actualitats
Bascoat: mai de 28 000 personas an votat sus l'independéncia
Es lo cinquen vòte popular que se fa en aquel país, ont en aquesta escasença an participat las comunas de Sant Sebastian, Irun, Zalla, Balmaseda e Alonsotegi
28 684 ciutadans bascos participèron dimenge passat al vòte popular sus l’independéncia que se faguèt dins las comunas de Sant Sebastian, Irun, Zalla, Balmaseda e Alonsotegi. Sant Sebastian es la primièra capitala basc a far un vòte d’aquela sòrta. Lo vòte es organizat per la plafaforma ciutadana Gure Esku Dago (es en nòstras mans), que dins los darrièrs cinc ans a organizat plusors consultas popularas en nombrosas comunas petitas. Los organizaires an avalorat positivament una jornada “sens precedents”.
Al total, après la jornada de dimenge, 230 210 personas an pogut dire lor opinion sus l’avenir politic del Bascoat. Après d’aténher las signaturas de 9545 ciutadans de Sant Sebastian, aquesta capitala es la primièra granda vila a organizar un vòte d’aquela sòrta, qu’a capitat ben amb una participacion del 13%.
Diferentas questions
La question que respondián los ciutadans amb lor vòte èra diferenta dins cada vila, car l’an decidida los grops organizadors locals. A Sant Sebastian, ont an pogut votar 160 457 personas, la question èra: “Volètz que los ciutadans bascos decidiscan lor avenir politic eles meteisses e liurament?”
A Alonsotegi, ont 2493 personas an lo drech de vòte, an demandat s’òm voliá “èsser ciutadan d’un País Basc independenta”, e a Zalla, amb un recensament de 7229 personas, e Balmaseda, amb 6.596, la question èra: “Volètz que los ciutadans bascos sián sobeirans per decidir lor avenir politic, economic e cultural?”.
A Irun, qu’a un recensament de 54 435 elegeires, s’a prepausat una question, “Quin futur politic volètz pel nòstre pòble?”, e s’an prepausat tres opcions de responsa: ‘Un estat basc sobeiran e independent”; “un nòu estatut politic dins l’estat espanhòl” o “l’actuala comunautat autonòma basca”.
D’observaires internacionals
L’organizacion convidèt d’observaires internacionals a seguir las votacions, dont fòrça catalans, coma la presidenta de l’ANC, Elisenda Paluzie; lo vice-president d’Òmnium, Marcel Mauri; los deputats d’ÈRC al congrès espanhòl Gabriel Rufián e Joan Tardà; los deputats catalans de Junts per Catalonha Eduard Pujol e Aurora Madaula; Aina Delgado, membre del secretariat nacional de la CUP; e Jaume López, professor de sciéncias politicas de l’Universitat Pompeu Fabra.
D’Escòcia, an convidat Shona McAlpine, secretària e delegada de las relacions internacionalas d’Independence Convention; e, d’Argentina, l’antropòloga, recercaira e professora Julieta Gaztañaga.
Al total, après la jornada de dimenge, 230 210 personas an pogut dire lor opinion sus l’avenir politic del Bascoat. Après d’aténher las signaturas de 9545 ciutadans de Sant Sebastian, aquesta capitala es la primièra granda vila a organizar un vòte d’aquela sòrta, qu’a capitat ben amb una participacion del 13%.
Diferentas questions
La question que respondián los ciutadans amb lor vòte èra diferenta dins cada vila, car l’an decidida los grops organizadors locals. A Sant Sebastian, ont an pogut votar 160 457 personas, la question èra: “Volètz que los ciutadans bascos decidiscan lor avenir politic eles meteisses e liurament?”
A Alonsotegi, ont 2493 personas an lo drech de vòte, an demandat s’òm voliá “èsser ciutadan d’un País Basc independenta”, e a Zalla, amb un recensament de 7229 personas, e Balmaseda, amb 6.596, la question èra: “Volètz que los ciutadans bascos sián sobeirans per decidir lor avenir politic, economic e cultural?”.
A Irun, qu’a un recensament de 54 435 elegeires, s’a prepausat una question, “Quin futur politic volètz pel nòstre pòble?”, e s’an prepausat tres opcions de responsa: ‘Un estat basc sobeiran e independent”; “un nòu estatut politic dins l’estat espanhòl” o “l’actuala comunautat autonòma basca”.
D’observaires internacionals
L’organizacion convidèt d’observaires internacionals a seguir las votacions, dont fòrça catalans, coma la presidenta de l’ANC, Elisenda Paluzie; lo vice-president d’Òmnium, Marcel Mauri; los deputats d’ÈRC al congrès espanhòl Gabriel Rufián e Joan Tardà; los deputats catalans de Junts per Catalonha Eduard Pujol e Aurora Madaula; Aina Delgado, membre del secretariat nacional de la CUP; e Jaume López, professor de sciéncias politicas de l’Universitat Pompeu Fabra.
D’Escòcia, an convidat Shona McAlpine, secretària e delegada de las relacions internacionalas d’Independence Convention; e, d’Argentina, l’antropòloga, recercaira e professora Julieta Gaztañaga.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E los qu'an organizat aquesta consulta ciutadana e democratica, son pas estats sacats en preison coma de vulgars democratas catalans ? Lo reialme d'Espanha es quicòlm de plan complicat. Quantes pans de TNT lor cal aver primièrament ficat al c… per obténer lo dreit de donar liurament son opinion ciutadana ? Los Catalans del Principat n'auràn probablament pas porgits pro…
Visca lo poble basc en sa luita per la libertat. Urrà !
Cal saquejar lo prunièr de totes los biaisses. Se los bascos s'i meton, òsca!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari