Castanet Tolosan aculhirà lo divendres 30 de novembre que ven un concèrt de tria en sosten a la Calandreta, qu’es en grand perilh de barrament. Al programa Moussu T e Lei Jovents, Djé Balèti e Quò Vai Bulhir.
 
Los provençals Moussu T e lei Jovents son ara la figura incontestada de la cançon occitana, amb sa fusion de poesia urbana occitana, de ritmes creòls e de melodias blues. Djé Balèti es un trio tolosan que marida los riffs shamanics de l’espina niçarda amb los ritmes de totas las ribas de la Mediterranèa. Enfin, Quò Vai Bulhir es un trio d’ska rock festiu dels Causses de Carcin.
 
L’eveniment se tendrà de 20h a 23h a la sala Jacques Brel, a l’Avenguda Pierre Mendès France de Castanet Tolosan. L’entrada còsta 12 èuros sus plaça e 10 èuros en prevenda. Podètz crompar las entradas sul sit helloasso.com
 
La sala es accessibla amb la linha de bus Lineo 6 (arrèst Verte Prairie), dempuèi l’estacion de Ramonvila del mètro de Tolosa.


 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…