Actualitats
Trump demandarà pas cap d'explicacion a l'Arabia Saudita per l'assassinat de Khashuqji
“Dirai pas res a un país que despensa de centenats de miliards de dolars e m’ajuda a una causa fòrça importanta: manténer lo prètz del petròli fòrça bas", çò a dich
Lo president dels Estats Units, Donald Trump, ditz ara que demandarà pas cap d’explicacion al prince eiretièr de l’Aràbia Saudita, durant la reünion del G20, per l’assassinat del jornalista Jamal Khashuqji (sovent transcrich Khashoggi). La rason de sa posicion es que vòl pas metre en perilh lo prètz del petròli ni la seguretat dels Estats Units.
“Dirai pas res a un país que despensa de centenats de miliards de dolars e m’ajuda a una causa fòrça importanta: manténer lo prètz del petròli fòrça bas, entre 100 e 150 dolars per barril. Avèm lo prètz del petròli en bona forma. Destruirai pas l’economia mondiala, destruirai pas l’economia de nòstre país en fasent lo fòl amb l’Arabia Saudita”, çò a declarat Trump.
Segon la CIA, lo prince eiretièr auriá comanditat lo crime
Mentretant, la CIA crei que lo prince eiretièr saudian, Muhammad Bin Salman, comanditèt l’assassinat de Khashuqji. Segon los servicis secrets estatsunidencs, lo jornalista auriá contactat l’ambaissador saudian als Estats Units per obténer los papièrs per se maridar, e l’ambaissador, qu’es lo fraire del prince eiretièr, li auriá respondut que faguèsse las cambadas al consolat d’Istambol, qu’aviá la garentia del prince que tot se passariá plan, çò rapòrta The Washington Post, jornal que Khashuqji n’èra collaborador.
En mai d’aquò, lo jornal estatsunidenc rapòrta que la CIA interceptèt, après l’assassinat de Khashuqji, una telefonada del consolat saudian a Istambol dins la quala un oficièr de seguretat apelava un assistent del prince Bin Salman per li raportar que l’operacion s’èra menada a bon tèrme.
Segon aquelas informacions, la CIA auriá assabentat del crime lo govèrn dels Estats Units, comprés lo Congrès. Pasmens, segon lo govèrn saudian, lo prince Muhammad Bin Salman seriá pas brica implicat dins l’afar.
The Washington Post publica aquelas informacions en anglés e tanben en arabi.
“Dirai pas res a un país que despensa de centenats de miliards de dolars e m’ajuda a una causa fòrça importanta: manténer lo prètz del petròli fòrça bas, entre 100 e 150 dolars per barril. Avèm lo prètz del petròli en bona forma. Destruirai pas l’economia mondiala, destruirai pas l’economia de nòstre país en fasent lo fòl amb l’Arabia Saudita”, çò a declarat Trump.
Segon la CIA, lo prince eiretièr auriá comanditat lo crime
Mentretant, la CIA crei que lo prince eiretièr saudian, Muhammad Bin Salman, comanditèt l’assassinat de Khashuqji. Segon los servicis secrets estatsunidencs, lo jornalista auriá contactat l’ambaissador saudian als Estats Units per obténer los papièrs per se maridar, e l’ambaissador, qu’es lo fraire del prince eiretièr, li auriá respondut que faguèsse las cambadas al consolat d’Istambol, qu’aviá la garentia del prince que tot se passariá plan, çò rapòrta The Washington Post, jornal que Khashuqji n’èra collaborador.
En mai d’aquò, lo jornal estatsunidenc rapòrta que la CIA interceptèt, après l’assassinat de Khashuqji, una telefonada del consolat saudian a Istambol dins la quala un oficièr de seguretat apelava un assistent del prince Bin Salman per li raportar que l’operacion s’èra menada a bon tèrme.
Segon aquelas informacions, la CIA auriá assabentat del crime lo govèrn dels Estats Units, comprés lo Congrès. Pasmens, segon lo govèrn saudian, lo prince Muhammad Bin Salman seriá pas brica implicat dins l’afar.
The Washington Post publica aquelas informacions en anglés e tanben en arabi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Stashblisment amb lo NewYork Times al davant, han pait pas la derrota electorala que los fotet un novençar en la política coma Trump.
Trump demandarà pas cap d'explicacion a l'Arabia Saudita per l'assassinat de Khashuqji : pas estonant. E mai las demandèsse, aquete arlèri, non i entendriá res…
"Amagatz aquel assassin que vòli pas veire!"
Tartufa vai!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari