Actualitats
Joan de Lassala en gilet jaune a l’Assemblada Nacionala francesa
Lo deputat bearnés voliá mostrar sa solidaritat amb las protèstas començadas la dimenjada passada, mas sa determinacion a quitament provocat la suspension de la sesilha
Lo deputat bearnés Joan de Lassala ven de far tornarmai l’actualitat dins los mèdias franceses en se presentant a l’Assemblada Nacionala francesa abilhat d'un gilet jaune. Lo deputat non inscrich voliá mostrar sa solidaritat amb las protèstas entamenadas la dimenjada passada contra la pojada dels prèses dels carburants, mas sa determinacion a quitament provocat la suspension de la sesilha. Lo reglament de la cambra parlamentària francesa impausa de portar un costum en tot enebir las camisetas e los gilets.
“Tiratz aqueste gilet!”, çò li diguèt mai d'un còp lo president de l’Assemblada Richard Ferrand al deputat occitan. Los ussièrs ensagèron de li far levar lo gilet, mas Lassala se mantenguèt ferme dins son prepaus. Enfin, davant lo refús del deputat de s’executar, Ferrand declarèt: “Va plan, aquel mancament serà inscrich al procès verbal e ne patiretz las consequéncias”, e suspendèt la sesilha de las questions al govèrn.
Castaner: “Ieu pensi a las doas personas que son mòrtas après dissabte“
Après la represa de la sesilha, lo ministre de l’Interior francés, lo provençal Christophe Castaner, prenguèt lo micro en s'adreiçant al deputat bearnés. “Sénher Lassala sap per experiéncia que lo ridicul tua pas. Ieu pensi a las doas personas que son mòrtas après dissabte, pensi als 584 nafrats”, çò diguèt lo ministre jols aplaudiments de plusors deputats.
Las paraulas de Castaner indignèron Lassala, e tant de deputats non inscriches coma el e los del Recampament Nacional coma los de la França Insomesa quitèron l’emicicle en denonciant que Castaner faguèsse una instrumentalizacion de las victimas.
“Tiratz aqueste gilet!”, çò li diguèt mai d'un còp lo president de l’Assemblada Richard Ferrand al deputat occitan. Los ussièrs ensagèron de li far levar lo gilet, mas Lassala se mantenguèt ferme dins son prepaus. Enfin, davant lo refús del deputat de s’executar, Ferrand declarèt: “Va plan, aquel mancament serà inscrich al procès verbal e ne patiretz las consequéncias”, e suspendèt la sesilha de las questions al govèrn.
Castaner: “Ieu pensi a las doas personas que son mòrtas après dissabte“
Après la represa de la sesilha, lo ministre de l’Interior francés, lo provençal Christophe Castaner, prenguèt lo micro en s'adreiçant al deputat bearnés. “Sénher Lassala sap per experiéncia que lo ridicul tua pas. Ieu pensi a las doas personas que son mòrtas après dissabte, pensi als 584 nafrats”, çò diguèt lo ministre jols aplaudiments de plusors deputats.
Las paraulas de Castaner indignèron Lassala, e tant de deputats non inscriches coma el e los del Recampament Nacional coma los de la França Insomesa quitèron l’emicicle en denonciant que Castaner faguèsse una instrumentalizacion de las victimas.
Jean Lassalle met un gilet jaune à l'Assemblée et provoque une suspension de séance pic.twitter.com/IStm300Bek
— BFMTV (@BFMTV) 21 de novembre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los guarda pits jaunes una colha bona en luita contra l'opresor.
#19 Qual es lo pitre ? Lo Lassala , sensa cap dobte. Tot lo mond o-sap e o-vei , que siague parisenc o occitan e i auria pas qu'aquel qu'o veiria pas ? Cal pas doblidar qu'aquel a fach se plegar de rire tota l'Assemblada Nacionala pas qu'en cantant l'imne nacional occitan (Se canta) e que sabia EXACTAMENT ço que fasia. Sabia EXACTAMENT que lo sol fach de dire o cantar una paraula occitana (es a dire metèca e patessejaira per la parisencalha ) faria se plegar de rire l'Assemblada de la republica francimanda de Paris.
Fai exactament çò que fasian aqueles negres americans qu'a la fin dau sègle 19 fasian los pitres en afortissent los clichés racistas los mai piègers dins d'espectacles parodics qu'encantavan los blancs racistas e los afortissian dins lor superioritat raciala. E çò mai grèu es qu'aquel brave Lassala vengut d'un autre temps a totjorn pas comprès perque fasia tan rire la parisencalha tras que segura de sa superioritat suls arlèris provincials !
#3 Vesi ieu una diferéncia de las seriosas entre "far lo pitre" e "passar per un pitre als uèlhs dels amòris"… Foguèsse, lo ciutadan Lassala, un pitre, non seriá pas reelegit de mandat en mandat, sense pausa.
Arribar amb un gilet jaune ou sense carvata coma o fa Ruffin es la meteissa causa. Se Ruffin o fa, "manda un messatge politic". Se Lassala o fa, "fa lo pitre" ? Me demandi, ieu, qui es l'amòri que mai lo pren sistematicament per un pitre ?
Un jorn, prendretz un de sos messatges publics, cortet, e lo passaretz a l'occitan. Lo tornaretz alavetz legir, a votz nauta. Aquí, me sauretz dire se çò que venètz de legir, son d'asenadas, o de simplas paraulas politicas (amb las idèas que defend Lassala, plan segur…). Aquí, veiretz qui son a de bon los pitres !
#15 Avètz segurament rason per la fòrma valencià-catalana mas parli pas nimai escrivi pas aquela lenga. Mistral balha Alicant. Nosaus apelam "alicanta", en i ajustant una vocala de sosten dins l'èime de la lenga, una varietat de rasim apelat tanben "tinturièr". Per l'Albigés lo calendièr perpetual de la Talvera "Se sabiatz mon país" ne parla lo 11 de setembre.
#5 I a mai lo Blanquer que sap pas ges prononciar son nom catalan correctament...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari