Actualitats
Bearn: nòu contes del país per metre en contacte public e païsans
L’idèa consistís a crear nòu espacis en çò de nòu productors locals en i organizant un espectacle de contes. A la fin, un mercat amb los produches e l’espectacle final se tendrà a la calandreta de Pau
David Bordes e Pèir Vidal son a virar en Bearn per i portar nòu contes en çò de nòu productors locals. Puèi, un darrièr espectacle, amb un mercat de produches locals collectats, se tendrà a la calandreta de Pau. L’eveniment lo dison 9+1 e es organizat amb l’ajuda del Collectiu Ça-i.
L’eveniment comencèt a Gan (País de Juranson) en octòbre passat, e arribèt ièr a sa tresena estapa a Lescar (Palés) amb lo conte entitolat Mèu. Contunharà lo 24 de novembre a Arudi (Aussau) amb lo conte Alandar e atal fins al noven conte lo 14 de decembre a Santa Coloma (Aussau). La fin de l’aventura, doncas, serà l’endeman, 15 de decembre, amb lo mercat e l’espectacle final a la Calandreta de Pau.
“Que volem endrets on hicar en contacte public e païsans, e tot aqueste beròi monde dab contes deu parçan”, çò dison Bordes e Vidal del temps que comptan de collaborar a la difusion dels produches de proximitat. “Lo 9+1 qu’ei tanben lo parat de hicar endavant productors qui hèn un tribalh deus beròis mes tanben deus discrets”.
Per mai d'informacion podètz vesitar la pagina Facebook de l'eveniment.
L’eveniment comencèt a Gan (País de Juranson) en octòbre passat, e arribèt ièr a sa tresena estapa a Lescar (Palés) amb lo conte entitolat Mèu. Contunharà lo 24 de novembre a Arudi (Aussau) amb lo conte Alandar e atal fins al noven conte lo 14 de decembre a Santa Coloma (Aussau). La fin de l’aventura, doncas, serà l’endeman, 15 de decembre, amb lo mercat e l’espectacle final a la Calandreta de Pau.
“Que volem endrets on hicar en contacte public e païsans, e tot aqueste beròi monde dab contes deu parçan”, çò dison Bordes e Vidal del temps que comptan de collaborar a la difusion dels produches de proximitat. “Lo 9+1 qu’ei tanben lo parat de hicar endavant productors qui hèn un tribalh deus beròis mes tanben deus discrets”.
Per mai d'informacion podètz vesitar la pagina Facebook de l'eveniment.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari