Actualitats
Aran se mobiliza contra la violéncia sexista
A l’entorn de la jornada del 25 de novembre, lo govèrn d’Aran a entamenat una tièra d’eveniments per prevenir la violéncia e conscientizar la societat
Lo 25 de novembre, se commemòra lo Jorn Internacional de l’Eliminacion de la Violéncia contra las Femnas, una data que lo Conselh General d’Aran commemòra a travèrs de son Servici d’Informacion e Atencion ara Hemna (SIAH).
Los actes comencèron dimècres passat e finiràn lo 17 de decembre, amb una seguida de conferéncias, d’espectacles audiovisuals, d’òbra de teatre, de concèrts, de formacions e d’autres eveniments amb la tòca de prevenir la violéncia, d’educar a l’escòla e de conscientizar la populacion de las nombrosas mòstras de sexisme que nòstra societat patís totjorn.
Divendres passat, la vicesindica M. Angels Ordax legiguèt en public lo Manifèst Institucional Contra la Violéncia de Genre del govèrn aranés.
Podètz trobar plan mai d’informacions sul sit del Conselh General d’Aran.
Cauma feminista dels estudiants
Dins aquel sens tanben se tenguèt a l’escòla segondària d’Aran, lo 14 de novembre passat, una jornada de cauma per exigir l’egalitat dins l’educacion e protestar contra lo sexisme a l’escòla. L’Institut d’Aran (equivalent al collègi e al licèu de l’estat francés) jonhiá atal la jornada de cauma feminista que se fasiá dins los establiments de segondari de Catalonha, per revendicar tanben l’abrogacion de la lei de reforma educativa (LOMCE segon sa sigla en espanhòl) impausada pel govèrn de Rajoy e qu’es totjorn en vigor.
Los actes comencèron dimècres passat e finiràn lo 17 de decembre, amb una seguida de conferéncias, d’espectacles audiovisuals, d’òbra de teatre, de concèrts, de formacions e d’autres eveniments amb la tòca de prevenir la violéncia, d’educar a l’escòla e de conscientizar la populacion de las nombrosas mòstras de sexisme que nòstra societat patís totjorn.
Divendres passat, la vicesindica M. Angels Ordax legiguèt en public lo Manifèst Institucional Contra la Violéncia de Genre del govèrn aranés.
Podètz trobar plan mai d’informacions sul sit del Conselh General d’Aran.
Cauma feminista dels estudiants
Dins aquel sens tanben se tenguèt a l’escòla segondària d’Aran, lo 14 de novembre passat, una jornada de cauma per exigir l’egalitat dins l’educacion e protestar contra lo sexisme a l’escòla. L’Institut d’Aran (equivalent al collègi e al licèu de l’estat francés) jonhiá atal la jornada de cauma feminista que se fasiá dins los establiments de segondari de Catalonha, per revendicar tanben l’abrogacion de la lei de reforma educativa (LOMCE segon sa sigla en espanhòl) impausada pel govèrn de Rajoy e qu’es totjorn en vigor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari