Actualitats
Suspension de l’iniciativa per la proteccion de las lengas en Euròpa
La mobilizacion se lancèt en març passat e s’amassèt 1,2 milion de signaturas, mas ara la FUEN se mesfisa de la Comission Europèa e preferís d’esperar entrò la legislatura venenta
Es suspenduda l’iniciativa ciutadana apelada Minority Safepack per la proteccion de las lengas en Euròpa. La mobilizacion se lancèt en març passat per que l’Union Europèa prenguèsse en compte los dreches lingüistics de las minoritats e ne promoguèsse una legislacion adeqüata. S’amassèt 1,2 milion de signaturas, mas l’iniciativa demòra ara en suspens almens fins a la legislatura que ven pr’amor que l’Union Federala de las Nacionalitats Europèas (FUEN segon sa sigla anglesa) se mesfisa de la Comission Europèa (CE) e preferís d’esperar un pauc.
La FUEN es una federacion d’unas 90 organizacions que trabalha pels dreches de las minoritats en Euròpa. La setmana passat anonciava qu’esperariá entrò la legislatura que ven après que la CE aguèt refusat lo dialòg a prepaus de Minority Safepack. La FUEN voliá rescontrar de membres de la Comission abans d’i portar las signaturas, per veire quina disposicion i aviá per avançar. Mas segon la FUEN, lo vicepresident de la CE, Frans Timmermans, lor mandèt una letra en disent que se reüniràn sonque après aver presentadas las signaturas.
Nòstres confraires de Nationalia an contactat la FUEN. Son president, Loránt Vincze, explica que la federacion a un sentiment de “mesfisança” sus la basa del refús de la CE de discutir sus cap de tèma restacat a las minoritats. “Nos auriá agradat una convèrsa preliminara amb la Comission, pr’amor que nos volèm assegurar que l’iniciativa Minority Safepack recebrà un tractament melhor, una consideracion seriosa e una proposicion ligada amb l’aprobacion d’actes legals”. Dins aquel sens Vincze insistís que la tòca finala es que l’Union Europèa prenga en compte los dreches lingüistics de las minoritats e ne promòga una legislacion adeqüata.
Ara la FUEN esperarà de presentar las signaturas fins que i aja una nòva CE en marcha. “Sèm en contacte amb fòrça decideires e expèrts, e sembla que i a un consens general entre eles sul fach que la Comission venenta pòt pas èsser que melhora que l’actuala”, çò ditz Vincze en apondent que s’aprofecharà las campanhas electoralas de las eleccions europèas per demandar d’engatjaments sul Minority Safepack.
50 milions de ciutadans concernits
Al delà dels occitanofòns, qu’après lo lingüicidi patit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’iniciativa Minority SafePack”.
La FUEN es una federacion d’unas 90 organizacions que trabalha pels dreches de las minoritats en Euròpa. La setmana passat anonciava qu’esperariá entrò la legislatura que ven après que la CE aguèt refusat lo dialòg a prepaus de Minority Safepack. La FUEN voliá rescontrar de membres de la Comission abans d’i portar las signaturas, per veire quina disposicion i aviá per avançar. Mas segon la FUEN, lo vicepresident de la CE, Frans Timmermans, lor mandèt una letra en disent que se reüniràn sonque après aver presentadas las signaturas.
Nòstres confraires de Nationalia an contactat la FUEN. Son president, Loránt Vincze, explica que la federacion a un sentiment de “mesfisança” sus la basa del refús de la CE de discutir sus cap de tèma restacat a las minoritats. “Nos auriá agradat una convèrsa preliminara amb la Comission, pr’amor que nos volèm assegurar que l’iniciativa Minority Safepack recebrà un tractament melhor, una consideracion seriosa e una proposicion ligada amb l’aprobacion d’actes legals”. Dins aquel sens Vincze insistís que la tòca finala es que l’Union Europèa prenga en compte los dreches lingüistics de las minoritats e ne promòga una legislacion adeqüata.
Ara la FUEN esperarà de presentar las signaturas fins que i aja una nòva CE en marcha. “Sèm en contacte amb fòrça decideires e expèrts, e sembla que i a un consens general entre eles sul fach que la Comission venenta pòt pas èsser que melhora que l’actuala”, çò ditz Vincze en apondent que s’aprofecharà las campanhas electoralas de las eleccions europèas per demandar d’engatjaments sul Minority Safepack.
50 milions de ciutadans concernits
Al delà dels occitanofòns, qu’après lo lingüicidi patit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’iniciativa Minority SafePack”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Castaner-Macron-Philippe, un bon consèlh, pren-te lèu-lèu un autre pseudò o riscarias de fenir coma Macron-Antoinette !!
Ja me semblava a mi que no arribarian a fer res.
#7 D'efièch, sembla de pas creire, lo reggae patrimoni mondial de l'umanitat, coma lo camembert o lo prefum de Grassa, mas sustot pas l'occitan, lenga de nauta civilizacion qu'influencèt tota la literatura europenca e mondiala. Puta, dins quin mond vivem e de que fan la Claveau-Abadie o la Delga ? Lafont, Roqueta, Castan, Bodon, Mistral, Fontan, desvelhatz-vos que son venguts baujes !
Sembla una farcejada e pasmens es tras que vertat : lo perfum de Grassa e lo reggae venan totes dos d'esser inscriches al Patrimoni Mondial de l'Umanitat, E LA LENGA E LA CULTURA OCCITANAS I SON TOTJORN PAS !!! Anatz aprep aquo nos faire creire que la FUEN, l'OPLO o quina que siague cola d'arlèris de noms exotics s'entrevan vertadièrament de la lenga nostra ! Es una vergonha, la lenga occitana val mens qu'un simple perfum o una musiquèta !
Torni dire ço que pensavi en març d'aquesta enièma iniciativa cosmetica made in Brussèslas per aparar las minoritats linguisticas. Se pot pas far fisança a l'Union Europenca per aparar los dreches linguistics de las minoritats, perque Europa es una aligança entre d'estats sobeirans (França, Espanha, Belgica...) mas pas entre de pobles. Brussèlas servis l'interès dels estats e om vei mal aqueles estats acceptar de remetre en question lors romans nacionals respectius. D'ont lo silenci gigantàs de Brussèlas davant la repression bestiala de las libertats catalanas e sa solidaritat covarda e unanima (França,Alemanha...) amb lo centralism madrilenc. A la limita l'UE sostendria plan Escocia per faire cagar Englaterra en cas de brexit (e i sem pas encara !) o quina que siague escura minoritat d'Europa centrala pas que per faire cagar l'Orban o lo Poutine, mas sustot pas de minoritats de l'oest d'Europa. Ne volon pas ausir parlar, dison qu'aquo existis pas "al nostre" e se vos botatz a insistir vos sortissan amb terror "aquo seria dobrir la boita de Pandora". Ne'n sem aqui.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari