Actualitats
Immolacions au Tibet: la darrèira paraula daus tibetans davant l’orror chinesa
Dempuish 2009, pas mens de 75 tibetans, monges o pas, se son balhats la mòrt dab lo huc dens la region aucupada praus Chinès. Uei lo dia, son per la màger part joens entre 15 e 30 ans atau com Dorji (15), Samdrup (16) o enqüèra Tamding Tso (23), tota joena mair.
Dens la soa darrèira letra, Jamphel Yeshi, 27 ans, ce ditz “me vau immolar prau que lo monde sansèir ajossi la navèra dau mau daus Tibetans. Viven atau coma una es·hlama que bolega dab l’enveja deu vent”. Un coratge e una decision tarrible per ensajar de sauvar un pòble e una civilizacion. Aquestas gents s’aucissan per la lora cultura e la lora reconeishença. Vòlen desvelhar l’internacionau au prètz de la lora vita. Cridan lo malumi.
Los paucs mèdias internacionaus que parlan a perpaus d’aqueths eveniments, los presentan normaument coma una luta religiosa. Totun, lo suicidi es abanit per la religion bodista.
Tibet es un país susvelhat per l’armada chinesa. Las comunicacions (Internet, telefonet etc.) son sus escota, e los qu’aperan la ciutat de Daram Sala (on viu lo Dalai-Lama en exili) au Nòrd de l’India, son condamnats a la preson, ce diden los tibetans exilats en India, que son normaument shens navèras de la loras familhas e aprenen 3 o 4 dias après l’immolacion de tau amic o tau membre de la familha.
Uei lo dia, las immolacions contunhan de s’espandir.
Lucia Rolet
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seriá pas que ieu, i cremariái totes los Chineses que s'i pretendon comunistas…
Ahaha, sabiáu ben qu'auriáu agut de respònsas mespresantas sus mon "nivèu extrèm de [...] vacuitat", es ben per aquò qu'ai balhat aquesto ponch de vista alternatiu, qu'es rarament tolerat per lei bobos e leis imperialistes ;)
Empacha pas que la question dau Tibet es principalament una question de politica exteriora e de geostrategia. De partisans d'una liberacion nacionala li en a bensai un o dos, mai n'en ai pas jamais audit parlar, vesem totjorn aquesto pebron de Dalai-lama. Quau que siágue son pas la fòrça motriça d'aquesto moviment.
Per contra li a d'autrei luchas mai interessantas dins la China interiora, que venon d'importantas inegalitats entre regions ruralas ambé de trebalhaires explotats e regions urbanas "occidentalisadas".
Per contra siáu pas d'acordi ambé l'argument d'Andrea, que l'istòria d'un Tibet independant foguèt ben corta OK es un fach (e que dins lei darriers sègues consiste principalament en l'èra dau protectorat anglés), mai es pas un argument. Ço qu'es important es la situacion d'ancuei, pas lo passat, senon es la filosofia de l'imobilisme.
Es ren un'invasion perqué lo Tibet es jà sempre istat territori chines! Es una mesonjas dir l'encontrari!
Lúcia Rolet a rason de nos informar sus la resisténcia dei tibetans, fàcia a l'invasion chinesa.
#2 Julien, cresi que tocatz lo nivèu extrèm de la vacuitat e de la miopia.
Se vòlon cremar que cremen.
Que siágan monges o pas, lei revendicacions son totjorn lo retorn a l'edat mejana, a una teocracia feodala e violenta, lo tot pregondament sostengut per l'imperialisme occidental despuèi un sègle.
E podem finda justificar en partida la violença de la policia chinesa faça a la violença xenofòb que li pòu tanben li aguer dau costat dei reaccionaris tibetans.
De segur la china es pas un modèl de libertat, mai cresi pas que li ague un vertadier moviment de "liberacion nacionala" au Tibet.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari