capçalera campanha

Actualitats

EconomiaPoliticaSocietat

Marselha: los òmes e femnas de recapte devon 2,8 milions d'èuros a lor patron

La lei del Trabalh e una decision arbitrària de la Cort de cassacion pòrtan la misèria e lo desespèr a 183 òmes e femnas de recapte marselheses

Los òmes e las femnas de recapte marselheses devon 2,8 milions d'èuros a lor patron. Los 183 emplegats marselheses, engatjats per Elior Services per netejar los espitals e las clinicas de la capitala de Provença, devon tornar las primas que lor paguèt la societat de netejatge. Las primièras letras de la societat de recobrament arribèron en octòbre, los emplegats —sustot d'emplegadas— deuràn restituir entre 10 000 e 30 000 èuros a Elior Services, çò rapòrta La Provence.
 
Aqueles obrièrs son sovent de femnas d'origina estrangièra amb un poder de crompa fòrça bas, e La Provence rapòrta de cases de femnas que ganhan 850 èuros per mes, e que la societat de recobrament lor vòl prene 350 èuros mesadièrs pendent d'annadas. "I a de gents au bòrd dau suicidi, i aurà de mòrts", çò declara Tony Haubois, secretari de la federacion estatala de pòrts e descargadors de la CGT, de qué dependon los salariats concernits. "Lei butan dins la misèria", çò afirma.
 
La causa es un "escàndol judiciàri", segon l'avocat d'aqueles obrièrs, Roger Vinhaud. Un article de la Lei El Khomri, rescrich dins lo quadre de las ordenanças Macron en 2017, motivèt la cort de cassacion, lo 30 de mai passat, a rompre los jutjaments renduts, sense remandament, e amb efièch retroactiu. Aquò vòl dire que las victòrias judiciàrias d'autre temps son anulladas, que totas las proceduras s'arrèstan, e que los òmes e femnas de recapte devon remborsar, dètz ans pus tard, las somas obtengudas sus decision de justícia.
 
Trobaretz mai d'informacion sus La Relève et la Peste.
 


 

 

 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
3.

Los salaris de 850 eur hauran de pagar 350, e se quedaran amb 500 eur. Acò rai ! Açò qu'es, n' Alí Babà e los quaranta laires.

  • 1
  • 0
Pitaluga
2.

E tot aquò es legal.
Un còp de mai se vei que la justícia es pas justa.

  • 3
  • 0
Black Blòc
1.

Lo capital bota aquí los paures al suicidi… o a la lucha armada.

  • 12
  • 0

Escriu un comentari sus aqueste article