Actualitats
Rugbi de XIII: lo campionat d’Elèit 1 es lançat!
Aquesta dimenjada, las cinc partidas previstas en Elèit 1 se son debanadas; çò que foguèt pas lo cas per l’Elèit 2 amb una jornada de las cinc partidas remesas en rason de las dificultats de desplaçaments. Los cargats del calendièr van aver d’òbra!
Alan Roch
Jòc al pè a Carcassona
Dissabte de ser, festenal ofensiu a l’estadi Domèc. Tolosa domina lo primièr quart d’ora, mas los audencs van puntar l’ensag cinc còps abans la pausa e quatre còps aprèp: victòria 50-4. De notar que plan d’ensages se marquèron aprèp un jòc al pè: candela, passa a l’alièr, pichon còp de pè per ensús, còp de pè per se, ras de pelena… Un vertadièr festenal canari.
Las suspresas del dimenge
Lo campion Avinhon entama la sason novèla amb una desfaita a Palau 32-16.
A Limós, los locals son menats 20-10 a 6 minutas de la fin. Capitan de marcar dos ensages transformats e ganhan 22-20. A Sent Gaudenç, Lesinhan jòga dins lo ròtle de la lèbre a la lèbre e a la tartuga amb los locals: desfaita 24-26. De son costat, Albi bat Vilanòva 30-16.
Al programa de la dimenjada, lo dèrbi catalan St Estève-XIII Catalan contra Palau. Carcassona jogarà dimenge de vèspre a Avinhon. Vilanòva reçauprà Limós. St Gaudenç se desplaçarà a Albi e Tolosa-Bròncos jogarà al Molin de Lesinhan.
Lo Camp Nòu ven realitat
Es ara oficial: l’anóncia l’an faita aqueste divendres 30 de novembre los 3 presidents junts: Bernat Guasch pels Dragons, Ian Lenagan per Wigan e Josep Maria Bartomeu pel Barça. La partida qu’opausarà los Dragons venceires de la Cup 2018 al campion de Superliga 2018 Wigan se tendrà lo dissabte 18 de mai a 4 oras e mièja del vèspre dins l’estadi del grand club catalan: lo Camp Nòu.
Fa dètz ans, los Dragons avián jogat una partida dins la capitala catalana, mas èra dins l’Estadi Olimpic de Montjuïc. Aqueste còp, es dins lo grand estadi mitic de 99 000 plaças que se jogarà aquesta partida bèla de rugbi de XIII. Lo president Guasch amaga pas son contentament: “Aquesta partida va venir una data istorica per nòstre club. Qualques meses aprèp la victòria en finala de la Cup, anam jogar en seguida al Camp Nòu e a Anfield (per la Dimenjada Magica). Es un periòde bèl pels Dragons e pel XIII francés. Espèri que la partida marcarà la debuta d’una polida relacion entre Dragons e Barça, cosins germans catalans. Desiri que la jornada del 18 de mai siá una granda fèsta de la catalanitat entre Catalonha Nòrd e Catalonha Sud .” Vos tendrem al fial dels detalhs de l’organizacion.
Lo XIII, aquò òc!
Lo libre sus la relacion XIII-occitan es presentat dins un article de La Dépêche du Midi.
Alan Roch
Dissabte de ser, festenal ofensiu a l’estadi Domèc. Tolosa domina lo primièr quart d’ora, mas los audencs van puntar l’ensag cinc còps abans la pausa e quatre còps aprèp: victòria 50-4. De notar que plan d’ensages se marquèron aprèp un jòc al pè: candela, passa a l’alièr, pichon còp de pè per ensús, còp de pè per se, ras de pelena… Un vertadièr festenal canari.
Las suspresas del dimenge
Lo campion Avinhon entama la sason novèla amb una desfaita a Palau 32-16.
A Limós, los locals son menats 20-10 a 6 minutas de la fin. Capitan de marcar dos ensages transformats e ganhan 22-20. A Sent Gaudenç, Lesinhan jòga dins lo ròtle de la lèbre a la lèbre e a la tartuga amb los locals: desfaita 24-26. De son costat, Albi bat Vilanòva 30-16.
Al programa de la dimenjada, lo dèrbi catalan St Estève-XIII Catalan contra Palau. Carcassona jogarà dimenge de vèspre a Avinhon. Vilanòva reçauprà Limós. St Gaudenç se desplaçarà a Albi e Tolosa-Bròncos jogarà al Molin de Lesinhan.
Lo Camp Nòu ven realitat
Es ara oficial: l’anóncia l’an faita aqueste divendres 30 de novembre los 3 presidents junts: Bernat Guasch pels Dragons, Ian Lenagan per Wigan e Josep Maria Bartomeu pel Barça. La partida qu’opausarà los Dragons venceires de la Cup 2018 al campion de Superliga 2018 Wigan se tendrà lo dissabte 18 de mai a 4 oras e mièja del vèspre dins l’estadi del grand club catalan: lo Camp Nòu.
Fa dètz ans, los Dragons avián jogat una partida dins la capitala catalana, mas èra dins l’Estadi Olimpic de Montjuïc. Aqueste còp, es dins lo grand estadi mitic de 99 000 plaças que se jogarà aquesta partida bèla de rugbi de XIII. Lo president Guasch amaga pas son contentament: “Aquesta partida va venir una data istorica per nòstre club. Qualques meses aprèp la victòria en finala de la Cup, anam jogar en seguida al Camp Nòu e a Anfield (per la Dimenjada Magica). Es un periòde bèl pels Dragons e pel XIII francés. Espèri que la partida marcarà la debuta d’una polida relacion entre Dragons e Barça, cosins germans catalans. Desiri que la jornada del 18 de mai siá una granda fèsta de la catalanitat entre Catalonha Nòrd e Catalonha Sud .” Vos tendrem al fial dels detalhs de l’organizacion.
Lo XIII, aquò òc!
Lo libre sus la relacion XIII-occitan es presentat dins un article de La Dépêche du Midi.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari