Lo conselh executiu de la Generalitat de Catalonha farà una de sas reünions en Aran abans la fin del mes de febrièr venent. Atal o anoncièt diluns passat lo president de la Generalitat de Catalonha en foncions, Quim Torra, al sindic d’Aran, Carlos Barrera. En mai d’aquò, Torra a comunicat a Barrera la volontat d’establir completament lo mandat de la Lei d’Aran.
 
D’efièch, abans la reünion que tenguèron diluns passat lo sindic aranés e lo president catalan a Barcelona, s’amassèt la comission de negociacion del nòu modèl de finançament pel país occitan amb los responsables del departament d’economia de la Generalitat. I establiguèron las basas del nòu modèl de finançament pel país occitan coma se decidiguèt dins la darrièra reünion de la comission bilaterala dels govèrns aranés e catalan del 18 d’octòbre passat.
 
La reünion seguenta sul modèl de finançament d’Aran se tendrà lo 20 de decembre que ven.