Actualitats
Edouard Philippe anóncia una moratòria sus la pojada de las taxas suls carburants
Aquela decision cèrca d’apasimar las protèstas del movement dels Gilets Jaunes
Lo primièr ministre francés, Edouard Philippe, anoncièt ièr una moratòria sus la pojada de las taxas suls carburants qu’aviá d’intrar en vigor lo 1r de genièr que ven. Aquela decision cèrca d’apasimar las protèstas del movement dels Gilets Jaunes, que dins las darrièras setmanas an paralizat l’economia de l’estat francés. La moratòria serà de mai d’un mes e serà acompanhada d’autras mesuras.
La decision se prenguèt diluns dins lo quadre d’una reünion entre lo president francés, Emmanuel Macron, e de membres del govèrn de Philippe. Lo primièr ministre, abans de comunicar oficialament la moratòria, ne parlèt amb los representants dels partits d’LREM e del MoDem, las dos fòrças politicas de la majoritat parlamentària.
D’autre latz, Philippe a anullat la reünion prevista amb de delegats dels Gilets Jaunes.
La decision se prenguèt diluns dins lo quadre d’una reünion entre lo president francés, Emmanuel Macron, e de membres del govèrn de Philippe. Lo primièr ministre, abans de comunicar oficialament la moratòria, ne parlèt amb los representants dels partits d’LREM e del MoDem, las dos fòrças politicas de la majoritat parlamentària.
D’autre latz, Philippe a anullat la reünion prevista amb de delegats dels Gilets Jaunes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'aumentacion dei taxas es "suprimida per 2019". Òc! Mai per la seguida? Aquò es pas clar dau tot!
Lo gas? S'es per que l'Estat siegue pièi condamnat à faire una aumentacion perqué avié pas lo drech de blocar lo prètz, coma es ja arribat, à que sèrve?
E lo poder de cròmpa? Pareisse qu'a creissut per tótei... E ben ieu, en dètz ans, mon salari brut a aumentat, mai mon salari net a baissat de 3%. En apondent l'inflacion, vos laissi faire lo calcul!
De segur, non me planhi de mon salari d'ensenhaire, mai imagini que quauqu'un que ganha plus pauc, s'a agut la mema "aumentacion", a de que se preocupar per arribar à la fin dau mes.
Dins lo meme temps, nòva rasseguranta (??????): lo ministre De Rugy a afirmat que i a pas agut d'aumentacion dei salaris au govèrn...
E la ministra Schiappa que nos explica lo ben fondat dei sietas à 300 000 euros, perqué son de fabricacion francesa... Mai lo saup que se pòu crompar de porcelana de Lemòtges per pas tant car?
#6 Avètz oblidat de dire que probable se plora cada ser dins lo davantal de mamà après aver mandats sos fiulets (tweets en francés descomplexat).
La policia dis que son dos los morts, mas los comptes son almanco lo doble. Cal qu' es faça un recompte per un mejan imparcial, cal saber la veritat. Los diaris e tv no en parlan de ferits greus ni de morts. Los medias son venuts al capitalisme bancari. Visca la luita dels gilets jaunes, las armellas grogas, los guardepits grocs, los jecs grocs, e en totas las lengas del mond. Visca la luita per l'amor!
Fin de règne . Lo drollèt Macron fonha solèt dins son canton e s'apara darrièr sos dos vigilis : lo paire-foètard Philippe e lo garda-chiorma Castaner . Lor a demandat de nos cantar encara e encara sansonhas e breçairolas sens s'entrevar que fa bèl temps qu'aquo marcha pas pus . Patetic.
#3
Es tot lo sistem qu’es de tornar pensar !
Brave monde, 42 demandas sufison pas se contunham dins lo meteis sistem:
70% de taxas sur la petrolina
35% de taxas sus L’electricitat
lo deputats que se vòtan d’escondon una exoneracion de CSG pels parlamentaris…..
360 taxas, dreches, contribucions !
Totas taxas, impaus, dreches, contribucions, deurian pas èsser al delà de 15% de la valor del d’aquòs taxat !
Al darrèr de la vuèitura una polida aficha :
Véhicule Hybride
30% Essence (Diesel)
70% Taxes.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari