Actualitats
Ara son quatre los presonièrs politics catalans en cauma de la fam illimitada
Denóncian que lo Tribunal Constitucional espanhòl blòca lors recorses per evitar qu’arriben a la justícia europèa
Dins un comunicat, Forn e Rull dison que començan la cauma de fam en tot “n’assumir los risques e las consequéncias”. Segon eles ,“es una decision meditada, fruch de fòrça oras d’introspeccion e de reflexion” e an conclús qu’an pas d’autra causida “qu’aquela forma extrèma de protèsta pacifica” per defendre lors dreches fondamentals.
Lo Tribunal Constitucional contunha lo blocatge
Diluns passat, lo Tribunal Constitucional respondèt a la cauma de fam en disent que la setmana que ven estudiariá qualques unes dels recorses presentats en argumentant que la demòra es deguda a la “complexitat” del procediment.
Per ara, la cort espanhòla a admés una trentena de recorses, qu’a pas resolgut.
Sonque lo regèt d’un d’aqueles recorses permetriá als presonièrs politics catalans de far apelacion dirèctament davant la Cort Europèa dels Dreches Umans d’Estrasborg. Mas lo tribunal espanhòl a admeses totes los recorses e los ten a l’espèra de los resòlver.
La sola decision que l’an anonciada los jutges del Tribunal Constitucional, après tres jorns de cauma de la fam, es d’anonciar qu’admetràn las nòvas demandas que son arribadas de Sànchez, Turull e Rull contra lor situacion de preson preventiva. Aqueles darrièrs recorses incorporan la senténcia de la Cort Europèa dels Dreches Umans contra Turquia per aver tengut encarcerat lo deputat curd Selahattin Demirtaş, qu’es encarcerat en Turquia dempuèi mai de dos ans.
E justament es çò que planhon los presonièrs: que se siá admés absoludament totes lors recorses. Perque mentre que son encalats dins lo sistèma judiciari espanhòl pòdon pas anar a l’europèu.
Missatge des de la presó:
— Jordi Cuixart (@jcuixart) 3 de desembre de 2018
Dos homes bons s'uneixen a la vaga de fam. Ens tenim els uns als altres. Des d'@omnium ens conjurem amb la voluntat insubornable que mai caminaran sols pic.twitter.com/fzvOrgjCvm
Estimats @quimforn i @joseprull, llum als ulls i força al braç en aquests moments. Molt de coratge davant la vostra decisió. #vagadefam#freeTothomhttps://t.co/NxZSjRGEQJpic.twitter.com/5XFrowEuAK
— Carles Puigdemont (@KRLS) 3 de desembre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Non a l'injusticia fraquista, Oc a la justicia europea ! Endavant companys !
#1 Totes avèm en tèsta l'engatjament similar de Dàvid Grosclaude per la creacion de l'OPLO. Al sieu nivèl, foguèt una bèla (e dolorosa) capitada, mas despuèi, trobam aquesta victòria plan relativa, estant lo foncionament actual d'aqueste OPLO. Los Catalans sabon que la rota serà longa.
Las accions fòrtas son necessàrias. Mas una cauma de la fam es una decission fòrt grèva. Totes avèm en tèsta las capitadas de Gandhi. Aquò dich, los govèrnaments an agut mai de mièg sègle per estudiar lo biais de neutralizar aquèla mena d'accion, en començant pel britanic que n'a l'experiéncia mai anciana. Dòna Thatcher daissèt morir Bobby Sands sens cap de complèxe. Inaugurava aital la pojada del cinisme demest los govèrnaments europèus. Ara fan pas pus de quartièr (veire l'utilizacion dels mòrts pel Ministèri de l'interior, una manipulacion que data pas d'ièr coma o sabon a Montredon).
Alara mèfi! Lo Pedro Sanchez val pas mai que los autres, sustot amb la pression del faissisme renaissent. Los 12 deputats de Vox en Andalosia poirián anonciar l’arribada d’un partit carnièra franquista al parlament a Madrid perque Casado (PP) e Rivera (Ciudadanos) son prèste a s'aligar amb eles per prene lo poder. E amb aqueles, daissar morir lo mond, o farán sens complèxe coma l’autra en Granda Bretanha (150 000 assassinats pels franquistas en Espanha après la guèrra segon l’estudi de Paul Preston e autres).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari