Qualques collectius ciutadans an cridat a una protèsta ciutadana en Catalonha e Aran que, inspirada del movement dels Gilets Jaunes, cèrca de paralisar lo país lo 21 de decembre que ven. Jos lo lèma “lo grand arrèst”, apèlan a s’abilhar amb de gilets jaunes e cèrcan de protestar contra lo conselh dels ministres espanhòls que se farà, de biais extraordinari, a Barcelona, just durant lo 1r anniversari de las eleccions regionalas impausadas pel govèrn estatal après la suspension espanhòla del govèrn de la Generalitat.
 
Plusors Comitats de Defensa de la Republica (CDR) cridan al “grand arrèst” e demandan de blocar las principalas estradas e infrastructuras del país del temps que l'Assemblada Nacionala Catalana anóncia una protèsta energica.
 

Aquest #21D reserva't la data, la dignitat torna al carrer!
Estigues atent a les nostres xarxes.
ℹ Les convocatòries de l'Assemblea només es comuniquen pels nostres canals oficials.
I no serà fer ni un cercle, ni un llaç de llum #FemLaRepúblicaCatalanapic.twitter.com/dfllUeOtpI

— Assemblea Nacional (@assemblea) 5 de desembre de 2018

 
Dins aquel sens, es vengut viral un vidèo ont l’actor Toni Albà, plan conegut en Catalonha, suggerís de jónher la protèsta:
 

#AixequemLaSuspensiópic.twitter.com/hPUgggz40F

— TONI ALBÀ  ||*|| (@tonialba) 2 de desembre de 2018

 
La Generalitat “protegirà” los ciutadans que protestaràn
 
De son caire, lo govèrn de la Generalitat de Catalonha a dich que compren la protèsta e que “protegirà los ciutadans” que protestaràn. “Venir far aquela reünion lo 21 de decembre es una provocacion”, çò diguèt dimars passat la pòrtavotz del govèrn catalan, Elsa Artadi. “Mai que mai quand auràn un an las eleccions al Parlament, d’eleccions que ganhèt l’independentisme mas que lor resultat s’apliquèt pas, a causa de l’intervencion del jutge Llarena quand se volguèt far los debats d’investidura”, çò apondèt.
 
Dins aquel sens, Artadi assegurèt que “los ciutadans de Catalonha an drech de protestar, e doncas, nosautres protegirem lo drech qu’an lo mond de protestar”.
 

consellera @elsa_artadi: "Hi ha una percepció en la societat catalana que fer un Consell de Ministres el #21D a Barcelona té un punt de provocació, perquè farà un any de les eleccions al @parlamentcat i no s'han respectat els resultats, amb la intervenció del jutge Llarena" pic.twitter.com/yCZKZo1kec

— Junts per Catalunya (@JuntsXCat) 4 de desembre de 2018