Actualitats
Se ten uèi a Tolosa la primèra assemblada dels Gilets Jaunes
S’agís de la primièra assemblada generala en Occitània, e dins tot l’estat francés, amb la tòca d’elegir de pòrtavoses e de representants
La primèra assemblada generala dels Gilets Jaunes se tendrà uèi a Tolosa a 15h al lac de las Sesquièras, al parcatge. Sa tòca es de causir dos pòrtavoses que representen lo movement per la region qu’a pres lo nom d’Occitània, e una delegacion de cinc personas per portar las revendicacions. La tòca es tanben de fondar amb totes los actors qu’òbran sul terren una estructura e de mejans de comunicacion que permete a tota la region de se poder exprimir e d’èsser ausida, çò rapòrta l’anóncia de l’eveniment creada sus Facebook.
Se tracta de la primièra assemblada generala en Occitània, e dins tot l’estat francés, dempuèi lo començament del movement ciutadan, çò rapòrtaLa Dépêche.
Un milièr e mièg de detenguts
Aquesta dimenjada, las protèstas se son tornadas multiplicar per tot l’estat, e quitament en Belgica. Dins aquesta quatrena dimenjada de revòlta, la repression policièra es estada pus fòrta que jamai amb lo desplegament de gaireben 89 000 agents qu’an arrestat preventivament 1385 personas.
Se tracta de la primièra assemblada generala en Occitània, e dins tot l’estat francés, dempuèi lo començament del movement ciutadan, çò rapòrtaLa Dépêche.
Un milièr e mièg de detenguts
Aquesta dimenjada, las protèstas se son tornadas multiplicar per tot l’estat, e quitament en Belgica. Dins aquesta quatrena dimenjada de revòlta, la repression policièra es estada pus fòrta que jamai amb lo desplegament de gaireben 89 000 agents qu’an arrestat preventivament 1385 personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal lo control del movement dels jecs grocs, hi ha d'haver pas los incontrolats que rompen e fan destrossa. Cal sustot demanar la dimissió del folh de Macrona,
#2 Demest las personas arrestadas, avián pas totas d’armas. Se considerèt coma arma (defensiva ?) las masquetas per se premunir contra las granadas lacrimogènas. Per aqueles èra plan d'arrestacions preventivas.
E pensar que tot aqueste rambalh es per encausa d'un dròlle malensenhat embarrat dins sa torre d'evòri!
"Malastruga la vila que son prince es un enfant!"
" Dins aquesta quatrena dimenjada de revòlta, la repression policièra es estada pus fòrta que jamai amb lo desplegament de gaireben 89 000 agents qu’an arrestat preventivament 1385 personas."
Apelar " arrestar preventivament" quand la persona ven "manifestar" ambe cotels, bòlas de petanca, martèls, eca, ès un polit eufemisme.
Arrestar aquelas personas qu'avián la volontat d'èstre violentas (se que non, perque venir ambe d'armas?), aban que podessen l'èstre, era pas sonque per la protección de la policia mes tanben per permetre als autres manifestants, la majoritat pacifista, de protestar un pauc mai tranquilament ("un pauc", perque ça que la, n'i a agut, de violença, malurosament).
A Ventimilha, los gilecos jaunes: https://www.liberation.fr/france/2018/12/08/a-vintimille-on-fait-des-pates-en-italie-il-fallait-une-action-inedite_1696844
https://www.nicematin.com/greve-mouvements-sociaux/les-gilets-jaunes-bloquent-la-frontiere-franco-italienne-sur-lautoroute-a-vintimille-283951
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari