Actualitats
Catalonha: Quim Torra fa un june de 48h en solidaritat amb los caumaires de la fam
Lo president de la Generalitat de Catalonha en foncions jonh atal las divèrsas accions popularas de junes en solidaritat amb los presonièrs politics catalans
Puèi, lo president anèt a l’abadiá de Montserrat ont i passarà doas nuèches. Son june finirà dimars de matin, quand deurà presidir la reünion del conselh executiu del govèrn catalan.
Es atal que Quim Torra vòl mostrar, a títol personal, sos “solidaritat, respècte e admiracion pel coratge dels companhs encarcerats en cauma de la fam”.
De nombrosas iniciativas per sosténer los caumaires
Las iniciativas de sosten als presonièrs en cauma de la fam son nombrosas. De remarcar los dotze ensenhaires de segondari del Licèu Baix Penedès de El Vendrell (Catalonha) que fan tanben de junes encadenats, valent a dire que cada jorn un ensenhaire quita de manjar per 24 oras. Aquel licèu fa dempuèi dètz e sèt ans d’escambis amb los escolans d’occitan del Licèu Las Casas de la Vaur (Lauragués).
De remarcat tanben lo sosten de quaranta eurodeputats, dont l’occitan José Bové. Eles fan una crida per metre fin a “aquela anomalia dins l’Union Europèa, ont nòu presonièrs politics e cinc exiliats, que son considerats coma de ciutadans liures dins totes los estats de l’UE, o son pas en Espanha”. Per tant, reclaman que los presonièrs politics catalans sián liberats.
Quatre presonièrs politics en cauma de la fam
Per ara, son quatre los presonièrs politics catalans en cauma de la fam illimitada. Jordi Sànchez e Jordi Turull comencèron lo 30 de novembre del temps que Joaquim Forn e Josep Rull jonguèron la cauma dins la matinada del tres de decembre. Reclaman que lo Tribunal Constitucional espanhòl responda a lors recorses paralisats dempuèi un an, car es lo sol biais de far una apelacion davant la Cort Europèa dels Dreches Umans.
Totun, lo Tribunal Constitucional contunha lo blocatge. Aquela cort a admés una trentena de recorses, qu’a pas resolgut e ditz que contunharà de los estudiar a causa de la complexitat de la procedura.
Sonque lo regèt d’un d’aqueles recorses permetriá als presonièrs politics catalans de far apelacion dirèctament davant la Cort Europèa dels Dreches Umans d’Estrasborg. Mas lo tribunal espanhòl a admeses totes los recorses e los ten a l’espèra de los resòlver. E justament es çò que planhon los presonièrs: que se siá admés absoludament totes lors recorses. Perque, tant que son encalats dins lo sistèma judiciari espanhòl, pòdon pas anar a la Cort Europèa dels Dreches Umans.
Gràcies als cantaires de les corals Cor de Cambra Dypason i cor Fòrum Vocal per venir al Dipòsit del Rei Martí a acompanyar-nos al dejuni en suport als presos polítics en vaga de fam. Hem de ser altaveu de la seva injustícia. pic.twitter.com/HpA5PI0sT7
— Quim Torra i Pla (@QuimTorraiPla) 9 de desembre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quim Torra li a de dire a Pedrito que los que volen qu'es faça un referendum d'autodeterminacion son lo 80 % dels catalans. Lo paure coma viu a FachaMadrid solament li diuen las noticies facsiosas, enrevoltat de pp e ciudadanos falangistas lo paure ja s'ha fait un gran embolic amb la troca, e s'ha embulhat però de quina manera. Pedrito non te preocupes que la teva paraula coma la del PSOE ja sabem que non val res. Mas cal dialogar e Pedrito tamben a dit causes positivas, Que l'amo Puigdemont faga propostas. Mas lo paure Puigdemont solament li demana negociar la data del referendum. Cal parlar de tot, de totas la causas fins e tot de politica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari