Actualitats
Paul Goze, elegit president de la liga de rugbi francesa
Li caldrà daissar la presidéncia de l’USAP de Perpinhan
Lo president de l’USAP de Perpinhan, Paul Goze, foguèt elegit divendres passat president de la liga de rugbi francesa (Liga Nacionala de Rugbi, LNR) pels quatre ans que venon. L’assemblada generala d’aquel organ directiu de l’LNR, amassada divendres a París, elegiguèt Goze per remplaçar Pierre-Yves Revol, en carga dempuèi 2008. Goze quitarà la presidéncia del club catalan de rugbi.
Nascut a Perpinhan (Païses Catalans) fa seissanta-un ans, Goze foguèt jogaire de l’USAP de 1971 a 1980, e president del club perpinhanés de 1989 a 1993, e mai de 2007 fins ara. En 2009 poguèt celebrar lo primièr títol de liga de l’union esportiva de Perpinhan dempuèi 1955.
Goze, tresen president de l’LNR après Revol e Serge Blanco, s’impausèt en fàcia de Max Guazzini, èx-president de l’Stade Français de París (1992-2011), del vicepresident de l’LNR, Patrick Wolff, e del president de l’esquipa d’Agen, Alain Tingaud.
Nascut a Perpinhan (Païses Catalans) fa seissanta-un ans, Goze foguèt jogaire de l’USAP de 1971 a 1980, e president del club perpinhanés de 1989 a 1993, e mai de 2007 fins ara. En 2009 poguèt celebrar lo primièr títol de liga de l’union esportiva de Perpinhan dempuèi 1955.
Goze, tresen president de l’LNR après Revol e Serge Blanco, s’impausèt en fàcia de Max Guazzini, èx-president de l’Stade Français de París (1992-2011), del vicepresident de l’LNR, Patrick Wolff, e del president de l’esquipa d’Agen, Alain Tingaud.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari