Actualitats
Montpelhièr: un ancian garda del còrs de Macron privilegiat per la seguretat de l’Universitat Paul Valéry
APS Sud a facturat mai de 260 000 èuros a l’Universitat Montpelhièr 3. Una responsabla d’LREM ne transmetèt lo devís a la direccion. Lo mercat s’obtenguèt sens apèl d’ofèrtas
L’entrepresa de seguretat APS Sud a facturat mai de 260 000 èuros a l’Universitat Montpelhièr 3. Un ancian garda del còrs de Macron trabalha dins aquela entrepresa, que son devís es estat transmés a la direccion de l’universitat per una responsabla de La Republica en Marcha (LREM), lo partit de Macron. Lo mercat es estat obtengut sens apèl d’ofèrtas, e mai una autra entrepresa foguèsse ja jos contracte amb l’universitat, çò rapòrta Mediapart.
Segon aquelas informacions, mençonadas tanben sus Midi Libre, la direccion generala dels servicis, dels afars financièrs e los agents comptables de l’Universitat Pau Valéry se deguèron conformar a embauchar una societat de seguretat del temps que n’avián una autra jos contracte. Aquel procediment agradèt pas brica als foncionaris, “es nautament politic”, çò explicava un d’eles. Per contra, lo president de l’universitat, Patrick Gilli, diguèt als jornalistas qu’”APS Sus es estada seleccionada per sas competéncias e perque èra en capacitat de respondre als besonhs d’ajuda excepcionals”.
Los estudiants demandan la demission de Gilli
Lo sindicat Solidaris Estudiants a reagit a la revelacion de Mediapart “amb estupor”, sustot per èsser estats assabentats que “los agents de seguretat privada que reprimiguèron la mobilizacion estudianta de l’an passat son estats recrutats per lo biais de La Republica en Marcha gràcias a l’intervencion de Charlyne Péculier”. Péculier es la responsabla dels Joves amb Macron de la region qu’a pres lo nom d’Occitània.
Per tant, lo sindicat d’estudiants demanda la demission immediata del president de l’universitat, Patrick Gilli, e dels autres membres de la direccion implicats. Ara per ara, Gilli es en desplaçament en China e sa directritz de gabinet a pas volgut respondre a las questions dels jornalistas.
Segon aquelas informacions, mençonadas tanben sus Midi Libre, la direccion generala dels servicis, dels afars financièrs e los agents comptables de l’Universitat Pau Valéry se deguèron conformar a embauchar una societat de seguretat del temps que n’avián una autra jos contracte. Aquel procediment agradèt pas brica als foncionaris, “es nautament politic”, çò explicava un d’eles. Per contra, lo president de l’universitat, Patrick Gilli, diguèt als jornalistas qu’”APS Sus es estada seleccionada per sas competéncias e perque èra en capacitat de respondre als besonhs d’ajuda excepcionals”.
Los estudiants demandan la demission de Gilli
Lo sindicat Solidaris Estudiants a reagit a la revelacion de Mediapart “amb estupor”, sustot per èsser estats assabentats que “los agents de seguretat privada que reprimiguèron la mobilizacion estudianta de l’an passat son estats recrutats per lo biais de La Republica en Marcha gràcias a l’intervencion de Charlyne Péculier”. Péculier es la responsabla dels Joves amb Macron de la region qu’a pres lo nom d’Occitània.
Per tant, lo sindicat d’estudiants demanda la demission immediata del president de l’universitat, Patrick Gilli, e dels autres membres de la direccion implicats. Ara per ara, Gilli es en desplaçament en China e sa directritz de gabinet a pas volgut respondre a las questions dels jornalistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Macron es coma lo rei Midas: totes los que tòca fan fortuna!
E ieu, e ieu, e ieu!
Vòli trabalhar a l'Elisèu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari