Actualitats
Navèth projècte d’andada artificiau en las Lanas
Projècte d’andada artificiau a Castèths en Marensin, los ciutadans que’n vòlen saber mei
Los de l’associacion Noutous, mei que mei, que se’n cuentejan de pròche. Que vienen de har paréisher un comunicat de premsa entà questionar la populacion sus l’interès d’un tau projècte, equivalent deu qui s’aprèsta a la Canau, en Medoc.
Que bremban que dus còps despuish 2015, lo departament de las Lanas qu’avè abandonat projèctes semblables pr’amor d’ua non-viabilitat economica reconeguda.
Mes sustot, çò qui truca mei d’ua associacion, qu’ei l’abséncia d’amassadas publicas e d’informacions hicadas a portada deu monde quan los enjòcs ecologics e economics e son totun de compte har.
Qu’arcastan los investidors de voler profieitar de la reconeshéncia a viéner deu surf com disciplina olimpica entà bastir projèctes atau shens considerar auta causa que l’aspècte economic privat; per’mor que s’avisan totun que l’andada artificiau e seré bastida dab subvencions publicas e impòsts locaus, quan la comunautat de comunas Còsta Lanas Natura n’a quitament pas nada piscina municipau, qui sembla totun a un servici public mei important que lo surf pagant au ras de la Mar Grana.
Collectius e associacions militantas que denóncian donc aqueth projècte, a l’opausat segon eths de l’imatge deu torisme landés de natura e de l’etica deu monde deu surf locau.
Qu’organizaràn eths medishs ua grana amassada publica au mes de genèr.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Que bremban que dus còps despuish 2015, lo departament de las Lanas qu’avè abandonat projèctes semblables pr’amor d’ua non-viabilitat economica reconeguda.
Mes sustot, çò qui truca mei d’ua associacion, qu’ei l’abséncia d’amassadas publicas e d’informacions hicadas a portada deu monde quan los enjòcs ecologics e economics e son totun de compte har.
Qu’arcastan los investidors de voler profieitar de la reconeshéncia a viéner deu surf com disciplina olimpica entà bastir projèctes atau shens considerar auta causa que l’aspècte economic privat; per’mor que s’avisan totun que l’andada artificiau e seré bastida dab subvencions publicas e impòsts locaus, quan la comunautat de comunas Còsta Lanas Natura n’a quitament pas nada piscina municipau, qui sembla totun a un servici public mei important que lo surf pagant au ras de la Mar Grana.
Collectius e associacions militantas que denóncian donc aqueth projècte, a l’opausat segon eths de l’imatge deu torisme landés de natura e de l’etica deu monde deu surf locau.
Qu’organizaràn eths medishs ua grana amassada publica au mes de genèr.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primier es la piscina, puei s'es pot qu' es faça aquest invent que costaria molt e non hi aniria ninguen. seria una ruina,a mai de la destroça que farien de la natura e de tudadissa d'aiga.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari