Actualitats
Gilets Jaunes: mai de manifestants a Bordèu o Tolosa qu’a París
La cinquena dimenjada de manifestacions a agut luòc amb una participacion pus bassa. Mas es totjorn en Occitània que lo movement de protèsta ciutadan ten mai de vam
La cinquena dimenjada de protèstas del movement dels Gilets Jaunes s’es tenguda amb una participacion pus bassa. Mas es totjorn en Occitània que lo movement de protèsta ciutadan ten mai de vam. Segon las donadas oficialas, unas 2000 personas manifestèron dissabte a Marselha, 4000 a Bordèu e 4500 a Tolosa. De mençonar que París atraguèt 3000 manifestants.
Es a Tolosa que s’es constatat mai d’incidents, e se parla quitament de grops de trencaires venguts en marge dels Gilets Jaunes que justifiquèron las violéncias policièras. Segon la prefectura, i aguèt dins la Ciutat Mondina sèt personas nafradas, dont dos policièrs, e almens 29 interpelacions.
Segon lo Ministèri francés de l’Interior, aurián manifestat dissabte aperaquí 35 000 personas dins tot l’estat francés. Las causas de la davalada de la participacion poirián èsser las promessas de Macron de far créisser l’SMIC e de reduire las taxas, o puslèu l’atemptat terrorista que lo patiguèt Estrasborg l’11 de decembre passat ont quatre personas foguèron assassinadas.
Segon qualques activistas, dissabte que ven, e los autres dissabtes avenidors, la protèsta tornarà pojar, car una de las revendicacions dels Gilets Jaunes qu’an mai de sosten popular es lo dich Referendum d’Iniciativa Ciutadana que considèra la possibilitat d’una revocacion presidenciala.
Dempuèi lo començament de las mobilizacions, lo 17 de novembre passat, sèt personas son mòrtas dins lo quadre de las protèstas. En mai d’aquò, cada jornada i a de centenats d’arrestacions, e las accions de las polícia francesa, d’una violéncia extrèma, son estadas criticadas per d’organismes internacionals.
Lo movement dels Gilets Jaunes esclatèt a causa de la pojada de las taxas suls carburants e sus las veituras. Mas aquò es pas que la partida vesidoira de l’icebèrg. Lo mond manifèstan contra las inegalitats, la davalada del budget dins los domenis de l’educacion, de las pensions e d’autres servicis socials, mentre que totas las taxas montan.
Es a Tolosa que s’es constatat mai d’incidents, e se parla quitament de grops de trencaires venguts en marge dels Gilets Jaunes que justifiquèron las violéncias policièras. Segon la prefectura, i aguèt dins la Ciutat Mondina sèt personas nafradas, dont dos policièrs, e almens 29 interpelacions.
Segon lo Ministèri francés de l’Interior, aurián manifestat dissabte aperaquí 35 000 personas dins tot l’estat francés. Las causas de la davalada de la participacion poirián èsser las promessas de Macron de far créisser l’SMIC e de reduire las taxas, o puslèu l’atemptat terrorista que lo patiguèt Estrasborg l’11 de decembre passat ont quatre personas foguèron assassinadas.
Segon qualques activistas, dissabte que ven, e los autres dissabtes avenidors, la protèsta tornarà pojar, car una de las revendicacions dels Gilets Jaunes qu’an mai de sosten popular es lo dich Referendum d’Iniciativa Ciutadana que considèra la possibilitat d’una revocacion presidenciala.
Dempuèi lo començament de las mobilizacions, lo 17 de novembre passat, sèt personas son mòrtas dins lo quadre de las protèstas. En mai d’aquò, cada jornada i a de centenats d’arrestacions, e las accions de las polícia francesa, d’una violéncia extrèma, son estadas criticadas per d’organismes internacionals.
Lo movement dels Gilets Jaunes esclatèt a causa de la pojada de las taxas suls carburants e sus las veituras. Mas aquò es pas que la partida vesidoira de l’icebèrg. Lo mond manifèstan contra las inegalitats, la davalada del budget dins los domenis de l’educacion, de las pensions e d’autres servicis socials, mentre que totas las taxas montan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 be non a l'avan garda
I avé mei de 10000 pers a tolosa, cal arrestar d'espiar bfmtv!
Bordèu e Tolosa arriban aprep la batalha ! Coma d'acostuma ?
De las informations disan que la poliça empeschet lo monde de montar a Paris per lo tren si avian un gilet jaune dins sa biaça ; de las autorotas fugueran barradas lo dissade mandin. Quò esplicaria perque i aguet mens de monde a Paris e mai en provinça.
La haussa de las taxas que se produit dins lo monde entier fai partida de reformas economicas per servir la deta e alimentar l'economia de guerra. Los medias seguessan lo discors de Macron mas tot lo monde se rend compte que darrier, i a de las meissonjas e que lo climat es mas una tromparia per far passar la pilula.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari