Actualitats
Juncker torna far de causas estranhas
Lo president de la CE se sarrèt d’una femna pelrosseta e, en luòc de li far dos poton, coma faguèt amb las autras, li brandiguèt lo pèl
L’excentric president de la Comission Europèa (CE), Jean-Claude Juncker, a tornat descadenar una polemica a causa de son actitud divendres passat a Brussèlas. Après èsser davalat de sa veitura oficala, Juncker se sarrèt d’una femna blonda e, en luòc de li far dos potons, coma faguèt amb las autras, li brandiguèt lo pèl. La femna se retirèt sens far cap de gèst de suspresa.
Ara per ara, la CE a tostemps defendut las accions estranhas de son president. En julhet passat, durant la reünion de l’OTAN a Brussèlas, Juncker se teniá pas drech e los imatges de vidèo fasián pensar qu’èra bandat a la clau. En seguida de la molonada de questions que ne pausèron los jornalistas, una pòrtavotz de la CE diguèt que Juncker aviá una crisi de sciatica, mentre que la cara de Juncker indicava pas nat dolor a nat moment. El meteis aviá dich qu’aviá de problèmas d’equilibri a causa d’un grèu accident que lo patiguèt en 1989.
Lo debat se Jean-Claude Juncker es en condicion de governar o non e las especulacions sus un eventual alcolisme son pas nòvas, mas desvelhan a cada còp mai de malèsser public.
Sens dobte, lo vidèo mai conegut es la d’aquela reünion a Riga, en 2015, ont Juncker se compòrta de manièra pas brica protocollària amb sos collègas.
Un autre còp, el meteis diguèt al parlament irlandés qu’èra pas ebri mas que patissiá una sciatica, e apondèt immediatament qu’auriá mai estimat d’aver begut.
Los politics europèus son fòrça discrets sus aquela eventuala dependéncia de Juncker, mas de temps en temps an fach de declaracions inquietantas. L’èx-cap de l’Eurogrop, lo neerlandés Jeroen Dijssebloem, diguèt a la television de son país que Juncker èra un grand fumaire e un grand beveire. La dirigenta dels conservators escoceses, Ruth Davison, declarèt que Juncker beviá fòrça e qu’èra pas possible de se fisar d’el coma “orator onèst après un bon dinnar”. La dirigenta populista polonesa Krystyna Pawłowicz anèt pus luènh e l’acusèt d’èsser alcolic lo jorn que s’èra endormit a Roma pendent la celebracion dels seissanta ans de l’UE.
https://imatges.vilaweb.cat/nacional/wp-content/uploads/2018/07/Juncker-w-Watykanie-13021640.jpg
Juncker a totjorn refusat d’admetre que dependiá de l’alcòl, e dins aquesta entrevista a Libération se defend en assolidant qu’a un caractèr fòrça expansiu qu’es sovent mal comprés. Totun, lo jornalista que li fa l’entrevista explica que pendent l’amassada “mangèt una ensalada e beguèt quatre copas de vin de Champanha”.
Abans d’aténher la presidéncia de la Comission, Juncker foguèt primièr ministre de son país, Luxemborg, una carga que la perdèt après un grand afar d’espionatge illegal qu’el ne foguèt considerat coma lo responsable politic.
Qualques jorns abans d’èsser nomenat president de la Comission, esclatèt lo dich LuxLeaks, un grand escàndol qu’implicava Juncker dins de practicas de paradís fiscal en Luxemborg, en favor de companhiás multinacionalas. L’enquèsta demostrèt que Juncker, coma primièr ministre e coma ministre de las finanças de Luxemborg, aviá blocat de directivas europèas per fin de favorir de grandas entrepresas.
#Juncker flips woman’s hair as leaders arrive for EC summit in #Brussels#EUCOpic.twitter.com/DzWTYABWZW
— Ruptly (@Ruptly) 14 de desembre de 2018
Ara per ara, la CE a tostemps defendut las accions estranhas de son president. En julhet passat, durant la reünion de l’OTAN a Brussèlas, Juncker se teniá pas drech e los imatges de vidèo fasián pensar qu’èra bandat a la clau. En seguida de la molonada de questions que ne pausèron los jornalistas, una pòrtavotz de la CE diguèt que Juncker aviá una crisi de sciatica, mentre que la cara de Juncker indicava pas nat dolor a nat moment. El meteis aviá dich qu’aviá de problèmas d’equilibri a causa d’un grèu accident que lo patiguèt en 1989.
Lo debat se Jean-Claude Juncker es en condicion de governar o non e las especulacions sus un eventual alcolisme son pas nòvas, mas desvelhan a cada còp mai de malèsser public.
Sens dobte, lo vidèo mai conegut es la d’aquela reünion a Riga, en 2015, ont Juncker se compòrta de manièra pas brica protocollària amb sos collègas.
Un autre còp, el meteis diguèt al parlament irlandés qu’èra pas ebri mas que patissiá una sciatica, e apondèt immediatament qu’auriá mai estimat d’aver begut.
Los politics europèus son fòrça discrets sus aquela eventuala dependéncia de Juncker, mas de temps en temps an fach de declaracions inquietantas. L’èx-cap de l’Eurogrop, lo neerlandés Jeroen Dijssebloem, diguèt a la television de son país que Juncker èra un grand fumaire e un grand beveire. La dirigenta dels conservators escoceses, Ruth Davison, declarèt que Juncker beviá fòrça e qu’èra pas possible de se fisar d’el coma “orator onèst après un bon dinnar”. La dirigenta populista polonesa Krystyna Pawłowicz anèt pus luènh e l’acusèt d’èsser alcolic lo jorn que s’èra endormit a Roma pendent la celebracion dels seissanta ans de l’UE.
https://imatges.vilaweb.cat/nacional/wp-content/uploads/2018/07/Juncker-w-Watykanie-13021640.jpg
Juncker a totjorn refusat d’admetre que dependiá de l’alcòl, e dins aquesta entrevista a Libération se defend en assolidant qu’a un caractèr fòrça expansiu qu’es sovent mal comprés. Totun, lo jornalista que li fa l’entrevista explica que pendent l’amassada “mangèt una ensalada e beguèt quatre copas de vin de Champanha”.
Abans d’aténher la presidéncia de la Comission, Juncker foguèt primièr ministre de son país, Luxemborg, una carga que la perdèt après un grand afar d’espionatge illegal qu’el ne foguèt considerat coma lo responsable politic.
Qualques jorns abans d’èsser nomenat president de la Comission, esclatèt lo dich LuxLeaks, un grand escàndol qu’implicava Juncker dins de practicas de paradís fiscal en Luxemborg, en favor de companhiás multinacionalas. L’enquèsta demostrèt que Juncker, coma primièr ministre e coma ministre de las finanças de Luxemborg, aviá blocat de directivas europèas per fin de favorir de grandas entrepresas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi qu' es lo responsable d'afavorir el bancs privat e anar contra la banca dels estats. Un laire que rauba als paures per donar-ho als rics. E ara es vol far graciós.
#1 A benlèu pas besonh d'aspirina peruviana pr'amor qu'a pas de campanha electorala d'assumir. Per contra, los autes, per ténguer 2 meses de 3 o 4 amassadas la jornada, se hèn ajudar solide.
Ja se sap qu'es un pintaire lo que bailèja Euròpa. Benlèu tasta tanben, coma d'autres, lo talc de Luzenac?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari