Actualitats
Rugbi de XIII: Lesinhan tusta sus la taula
Una novèla dimenjada en Elèit 1 per mostrar que sèm pas al cap de nòstras suspresas
Alan Roch
3 victòrias a l’exterior
Dissabte de ser, a Domèc, fasiá freg e ploviá. Carcassona XIII e Sant Estève-Catalans prepausèron ça que la una partida intensa. Fin finala, los vesitaires ganhèron 20-18.
Dimenge, lo campion Avinhon vegèt Lesinhan faire la diferéncia abans la pausa mercé a una intercepcion (14-6) abans de s’envolar dins lo segond temps: 36-10.
La tresena victòria a l’exterior es a metre al compte de Vilanòva que s’impausa a Palau: 20-16. A l’ora de jòc, Limós fa la diferéncia per batre Albi: 26-16. Tolosa contèsta longament la victòria de Sent Gaudenç mas pèrd: 16-20.
Al programa de la dimenjada qu’arriba: Limós-Sent Gaudenç, Vilanòva-Carcassona, Albi-Palau, un rescontre entre mal classats Tolosa-Avinhon (!) e una partida que promet entre los Dragonets catalans e Lesinhan.
La logica en Copa
Las formacions d’Elèit 2 dintravan en competicion en vista dels 16ns de finala de la Copa (dimenjada dels 12 e 13 de genièr) que veirà la participacion de l’Elèit 1. En tota logica, las dètz formacions d’Elèit 2 passan aqueste torn. Los autres qualificats son Val de Danha, Toluges, Barcarés-St Laurenç, Ramonvila, Trentèls, Pujòls, Aspet, Ate, Sant Martin, Caors, Tonens.
Transferiment en NRL
Los Warriors d’Auckland reprochavan a lor mesclanha Shaun Jonhson l’inegalitat de sas prestacions. Aqueste a causit de jónher Austràlia e las Làmias de Cronulla.
Alan Roch
Dissabte de ser, a Domèc, fasiá freg e ploviá. Carcassona XIII e Sant Estève-Catalans prepausèron ça que la una partida intensa. Fin finala, los vesitaires ganhèron 20-18.
Dimenge, lo campion Avinhon vegèt Lesinhan faire la diferéncia abans la pausa mercé a una intercepcion (14-6) abans de s’envolar dins lo segond temps: 36-10.
La tresena victòria a l’exterior es a metre al compte de Vilanòva que s’impausa a Palau: 20-16. A l’ora de jòc, Limós fa la diferéncia per batre Albi: 26-16. Tolosa contèsta longament la victòria de Sent Gaudenç mas pèrd: 16-20.
Al programa de la dimenjada qu’arriba: Limós-Sent Gaudenç, Vilanòva-Carcassona, Albi-Palau, un rescontre entre mal classats Tolosa-Avinhon (!) e una partida que promet entre los Dragonets catalans e Lesinhan.
La logica en Copa
Las formacions d’Elèit 2 dintravan en competicion en vista dels 16ns de finala de la Copa (dimenjada dels 12 e 13 de genièr) que veirà la participacion de l’Elèit 1. En tota logica, las dètz formacions d’Elèit 2 passan aqueste torn. Los autres qualificats son Val de Danha, Toluges, Barcarés-St Laurenç, Ramonvila, Trentèls, Pujòls, Aspet, Ate, Sant Martin, Caors, Tonens.
Transferiment en NRL
Los Warriors d’Auckland reprochavan a lor mesclanha Shaun Jonhson l’inegalitat de sas prestacions. Aqueste a causit de jónher Austràlia e las Làmias de Cronulla.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari