Actualitats
“Marco Polo”, lo gigant de las mars
S’agís d’un vaissèl de carga de la companhiá marselhesa CMA-CGM que pòt portar 16 020 contenedors
Aqueste mes de novembre a començat de navigar lo Marco Polo, lo vaissèl de carga mai grand del Mond. L’an bastit en cò de Daewoo Shipbuilding & Marine Engineering, en Corèa del Sud; lo 7 de novembre, partiguèt de China cap a Euròpa per son primièr trajècte. Lo megavaissèl de la companhiá maritima CMA-CGM, de Marselha, fa 396 mètres de long, es a dire: coma quatre terrens de fotbòl o cinc Airbus A380 e mièg aderren (donadas basicas). Per se mòure, a un motor de cent mila cavals que li permet de transportar fins a 16 020 contenedors, qu’un darrièr l’autre farián un centenat de quilomètres.
S’estima qu’a costat entre 150 e 200 milions d’èuros, e la companhiá marselhesa que n’es proprietària assegura que lo vaissèl a totas las innovacions tecnologicas, amb de sistèmas per redusir lo consume de carburant e, donc, l’impacte sus l’environament.
Lo Marco Polo es lo primièr d’una sèria de tres vaisselasses qu’auràn los noms de grands exploraires. Los dos autres començaràn de navigar la prima que ven.
S’estima qu’a costat entre 150 e 200 milions d’èuros, e la companhiá marselhesa que n’es proprietària assegura que lo vaissèl a totas las innovacions tecnologicas, amb de sistèmas per redusir lo consume de carburant e, donc, l’impacte sus l’environament.
Lo Marco Polo es lo primièr d’una sèria de tres vaisselasses qu’auràn los noms de grands exploraires. Los dos autres començaràn de navigar la prima que ven.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aital poiràn portar mai de produches asiatics e emplenar lèu lèu lo païs d'escobilhas. Sabi pas se las nòvas tecnologias, que permeton de demesir lo consum de carburant, compensan l'impacte sus l'environament. Poiriá ésser que nos mòstran la palha per tal que vajam pas lo cabiron...
Çò mai merças viatjan dins lo monde, çò mai paures e esclaus son los ciutadans del monde.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari