Actualitats
La Federacion de Corsa Landesa que s’ac a dab l’URSAFF
Dinc adara, los practicants de la corsa landesa que beneficiavan d’un regim especiau, mes los de l’URSAFF que la vòlen suprimir e remplaçar per ua auta suu modèl de las cotizacions aplicadas a las federacions esportivas
La Federacion de Corsa Landesa que s’ac a dab l’URSAFF. En efèit, aqueth que vòu modificar lo son regim especific de calcul de las cotizacions sociaus, e las consequéncias que poderén estar desastrosas. Dinc adara, los practicants de la corsa landesa que beneficiavan d’un regim especiau, a despart deu generau, mes los de l’URSAFF que la vòlen donc suprimir, e remplaçar per ua auta, pegada suu modèl de las cotizacions aplicadas a las federacions esportivas.
Un cambiament sobte, qui hè beròi puishèu: en efèit, que miaré ua hauça grana e sustot immediata de las còstas d’organizacion d’ua corsa landesa, a la quau la màger de las petitas estructuras ne poderén pas har cap.
Dens un comunicat pareishut aquestes dias, la federacion qu’arcasta sustot ua decicion presa còp sec, shens concertacion apregondida. En efèit, la prumèra amassada que’s tienè lo 29 de noveme passat per ua aplicacion au prumèr de genèr de 2019.
Se son d’avís sus la necessitat de tornar bastir un modèl economic viable e adaptat per la corsa landesa, qu’an besonh totun de temps entà miar ua reflexion vertadèra.
Que demandan donc prumèr de tot ua derogacion entau mantenement de las condicions de 2018 entà assegurar lo bon debanar de la sason qui vien. La màger part deus practicants qu’an dejà pres la licéncia sus aqueth modèl, e los clubs qu’an tanben dejà signat los contractes per las corsas de 2019. Un cambiament après engatjament que miaré un rambalh administratiu e economic pregond, qui poderé miaçar l’aviéner de la practica de la corsa landesa, segon la federacion.
230 associations e clubs que son pertocats, qu’espèran adara la responsa de l’URSAFF. La sason 2019 que començarà au mes de març de 2019… se tot va plan.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Un cambiament sobte, qui hè beròi puishèu: en efèit, que miaré ua hauça grana e sustot immediata de las còstas d’organizacion d’ua corsa landesa, a la quau la màger de las petitas estructuras ne poderén pas har cap.
Dens un comunicat pareishut aquestes dias, la federacion qu’arcasta sustot ua decicion presa còp sec, shens concertacion apregondida. En efèit, la prumèra amassada que’s tienè lo 29 de noveme passat per ua aplicacion au prumèr de genèr de 2019.
Se son d’avís sus la necessitat de tornar bastir un modèl economic viable e adaptat per la corsa landesa, qu’an besonh totun de temps entà miar ua reflexion vertadèra.
Que demandan donc prumèr de tot ua derogacion entau mantenement de las condicions de 2018 entà assegurar lo bon debanar de la sason qui vien. La màger part deus practicants qu’an dejà pres la licéncia sus aqueth modèl, e los clubs qu’an tanben dejà signat los contractes per las corsas de 2019. Un cambiament après engatjament que miaré un rambalh administratiu e economic pregond, qui poderé miaçar l’aviéner de la practica de la corsa landesa, segon la federacion.
230 associations e clubs que son pertocats, qu’espèran adara la responsa de l’URSAFF. La sason 2019 que començarà au mes de març de 2019… se tot va plan.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari