Actualitats
Catalonha: fin de la cauma de la fam de quatre presonièrs politics
O an fach en seguida d’una demanda dels èx-presidents de la Generalitat e en constatant que la cauma “a desvelhat lo Tribunal Constitucional” qu’a començat de resòlver los recorses paralisats
Los presonièrs politics catalans en cauma de fam, Jordi Sànchez, Jordi Turull, Joaquim Forn e Josep Rull, an acabat lor protèsta après gaireben tres setmanas sens manjar. O faguèron ièr, tot bèl just l’endeman d’un comunicat signat per cinc èx-presidents de la Generalitat de Catalonha e quatre èx-presidents del Parlament, que lor demandava de metre fin a la cauma. Tanben lo president del govèrn en foncions, Quim Torra, o lor demandèt publicament.
La pòrtavotz dels presonièrs, Pilar Calvo, o expliquèt dins una conferéncia de premsa al Collègi dels Jornalistas de Catalonha:
En mai d’aquò, Calvo apondèt qu’ara, enfin, poirián far apelacion davant la Cort Europèa dels Dreches Umans d’Estrasborg.
La cauma l’an facha per reclamar que lo Tribunal Constitucional espanhòl responda a lors recorses paralisats dempuèi un an, car es lo sol biais de far una apelacion davant la Cort Europèa dels Dreches Umans (CÈDU). Sonque lo regèt d’un d’aqueles recorses permetriá als presonièrs politics catalans de far apelacion dirèctament davant la CÈDU d’Estrasborg. Mas lo tribunal espanhòl a admeses totes los recorses e los ten a l’espèra de los resòlver. E justament es çò que planhon los presonièrs: que se siá admés absoludament totes lors recorses. Perque, tant qu'aquestes son encalats dins lo sistèma judiciari espanhòl, pòdon pas anar a la CÈDU.
Jordi Sànchez e Jordi Turull son estats vint jorns en cauma de la fam; Joaquim Forn e Josep Rull, dètz e sèt jorns. Ara la fasa de retorn a l’alimentacion la son a far amb un contraròtle medical e en començant per l’ingestion de liquids.
Comunicat del Síndic de Greuges i els expresidents del Parlament i la Generalitat en relació amb la vaga de fam: pic.twitter.com/rJ6B8R5wuR
— Síndic de Greuges (@sindicdegreuges) 19 de desembre de 2018
La pòrtavotz dels presonièrs, Pilar Calvo, o expliquèt dins una conferéncia de premsa al Collègi dels Jornalistas de Catalonha:
“Es estada una accion excepcionala que pòdem pas normalizar, ocasionada pel blocatge del Tribunal Constitucional. Remembram que lo 100% de lors recorses son estats acceptats. Dins tot aquel temps èran pas estats resolguts. Aquela cauma de la fam a desvelhat lo Tribunal Constitucional e lo tirador ont èran gardats los recorses es estat dobèrt”.
En mai d’aquò, Calvo apondèt qu’ara, enfin, poirián far apelacion davant la Cort Europèa dels Dreches Umans d’Estrasborg.
La cauma l’an facha per reclamar que lo Tribunal Constitucional espanhòl responda a lors recorses paralisats dempuèi un an, car es lo sol biais de far una apelacion davant la Cort Europèa dels Dreches Umans (CÈDU). Sonque lo regèt d’un d’aqueles recorses permetriá als presonièrs politics catalans de far apelacion dirèctament davant la CÈDU d’Estrasborg. Mas lo tribunal espanhòl a admeses totes los recorses e los ten a l’espèra de los resòlver. E justament es çò que planhon los presonièrs: que se siá admés absoludament totes lors recorses. Perque, tant qu'aquestes son encalats dins lo sistèma judiciari espanhòl, pòdon pas anar a la CÈDU.
Jordi Sànchez e Jordi Turull son estats vint jorns en cauma de la fam; Joaquim Forn e Josep Rull, dètz e sèt jorns. Ara la fasa de retorn a l’alimentacion la son a far amb un contraròtle medical e en començant per l’ingestion de liquids.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adixatz , praubes deths que son hè magre !
Han fait molt ben de laissar la vaga. Val mai un d'aquestes nostres herois, que la fachistada tota qu' encara demora per aquí.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari