Actualitats
Quant sèm neandertalians
De cercaires an pogut confirmar qu’aver una forma mens redonda del crani uman a l’ora d’ara es restacada dirèctament amb de genòmas neandertalians
De tot en tot estonable. De cercaires alemands de l’Institut Max Planck d’Antropologia Evolutiva an pogut confirmar qu’aver una forma mens redonda del crani uman a l’ora d’ara es restacada dirèctament amb de genòmas neandertalians. Çò es, dich d’autra manièra: s’avètz pas lo crani totalament redond, sètz un pauc neandertalian.
E aquò pr’amor que lo crani e lo cervèl redonds son una caracteristica morfologica tipica de nòstra espècia. Pas dels neandertalians, qu’avián un crani fòrça mens redond. Ara, e après que s’es demostrat que i aguèt de crosaments entre nòstra espècia e los neandertalians (e benlèu tanben los denisovans) arriban mai de pròvas sus los gèns d’aquela autra espècia, Homo neandertalensis, dins la nòstra e qu’arribarián fins ara.
L’estudi, que pòt plan èsser fòrça polemic dins la comunautat scientifica, es estat publicat dins la revista Current Biology. Foguèt dirigit per l’antropològ Philipp Gunz, de l’Institut Max Planck, e amb aquel an volgut demostrar quant es encara presenta la genetica neandertaliana dins nòstra espècia, Homo sapiens sapiens. “Avèm mesurat de pichonas variacions endocranianas dins lo volum e las connexions de cèrts airals cerebrals pr’amor de la forma del crani”, çò confirmèt Gunz”.
En cèrca del gèn neandertalian
Aital, la còla scientifica qu’a fach aquel estudi antropologic e psicolingüistica comencèt de cercar de gèns neandertalians qu’encara poiriá aver nòstra espècia pr’amor d’ancians crosaments de populacions d’ambedoás espècias. Pensavan que podián trapar de pròvas fisicas. Èra malaisit mas o poguèron far scientificament, fin finala.
Per ansin analisèron la forma del crani e l’ADN dels neandertalians que podián èsser trobats en d’umans modèrnes. Per o realizar, utilizèron d’escanèrs cerebrals e genetics de fins a 4500 personas. E restaquèron la forma del crani amb l’informacion genetica. La descobèrta que faguèron es totalament estonabla.
Los cromosòmas 1 e 18 de l’espècia neandertaliana èran encara presents dins nòstra espècia, mas modificats. E èran fòrça restacats amb lo fach d’aver o pas un crani mai redond. A mai, èran restacats amb lo desvolopament cerebral (UBR4 e PHLPP1).
La forma mens redonda del crani dels umans actuals foguèt restacada amb aqueles cromosomas neandertalians. E aquò poiriá aver coma resulta una compreneson e una coordinacion de movements desparièra de las d’autras personas, çò volguèt soslinhar Gunz. “Es restacat dirèctament amb de foncions cognitivas coma la memòria, l’atencion, l’aprendissatge, l’utilizacion lingüistica”, çò diguèt.
Totun, los cercaires reconeissèron qu’aquel tipe de crani mens redond tipicament neandertalian foguèt trobat sonque dins de cranis tipics e fòrça mens redonds que çò que seriá la nòrma. “La varianta neandertaliana menèt a de pichons cambis e a una forma pauc ponchuda d’un crani mens redond e res mai, çò confirmèt lo coautor de l’estudi, Simon Fisher. Mas es segur que lo camin es dobèrt, e lèu trobarem d’autras caracteristicas geneticas neandertalianas en d’umans modèrnes”.(Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
E aquò pr’amor que lo crani e lo cervèl redonds son una caracteristica morfologica tipica de nòstra espècia. Pas dels neandertalians, qu’avián un crani fòrça mens redond. Ara, e après que s’es demostrat que i aguèt de crosaments entre nòstra espècia e los neandertalians (e benlèu tanben los denisovans) arriban mai de pròvas sus los gèns d’aquela autra espècia, Homo neandertalensis, dins la nòstra e qu’arribarián fins ara.
L’estudi, que pòt plan èsser fòrça polemic dins la comunautat scientifica, es estat publicat dins la revista Current Biology. Foguèt dirigit per l’antropològ Philipp Gunz, de l’Institut Max Planck, e amb aquel an volgut demostrar quant es encara presenta la genetica neandertaliana dins nòstra espècia, Homo sapiens sapiens. “Avèm mesurat de pichonas variacions endocranianas dins lo volum e las connexions de cèrts airals cerebrals pr’amor de la forma del crani”, çò confirmèt Gunz”.
En cèrca del gèn neandertalian
Aital, la còla scientifica qu’a fach aquel estudi antropologic e psicolingüistica comencèt de cercar de gèns neandertalians qu’encara poiriá aver nòstra espècia pr’amor d’ancians crosaments de populacions d’ambedoás espècias. Pensavan que podián trapar de pròvas fisicas. Èra malaisit mas o poguèron far scientificament, fin finala.
Per ansin analisèron la forma del crani e l’ADN dels neandertalians que podián èsser trobats en d’umans modèrnes. Per o realizar, utilizèron d’escanèrs cerebrals e genetics de fins a 4500 personas. E restaquèron la forma del crani amb l’informacion genetica. La descobèrta que faguèron es totalament estonabla.
Los cromosòmas 1 e 18 de l’espècia neandertaliana èran encara presents dins nòstra espècia, mas modificats. E èran fòrça restacats amb lo fach d’aver o pas un crani mai redond. A mai, èran restacats amb lo desvolopament cerebral (UBR4 e PHLPP1).
La forma mens redonda del crani dels umans actuals foguèt restacada amb aqueles cromosomas neandertalians. E aquò poiriá aver coma resulta una compreneson e una coordinacion de movements desparièra de las d’autras personas, çò volguèt soslinhar Gunz. “Es restacat dirèctament amb de foncions cognitivas coma la memòria, l’atencion, l’aprendissatge, l’utilizacion lingüistica”, çò diguèt.
Totun, los cercaires reconeissèron qu’aquel tipe de crani mens redond tipicament neandertalian foguèt trobat sonque dins de cranis tipics e fòrça mens redonds que çò que seriá la nòrma. “La varianta neandertaliana menèt a de pichons cambis e a una forma pauc ponchuda d’un crani mens redond e res mai, çò confirmèt lo coautor de l’estudi, Simon Fisher. Mas es segur que lo camin es dobèrt, e lèu trobarem d’autras caracteristicas geneticas neandertalianas en d’umans modèrnes”.(Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sembla aquí legir quicòm de contradictòri : non es possible que los neandertalians sián estats "d'una autra espècia" que los sapiens sapiens : dos animals son d'espècias diferentas tre que la lor progenitura eventuala, resultant d'un acoplament entre eles dos, non es capabla d'aver al sieu torn de progenitura fegonda. S'avèm encara d'elements neandertalians en nosautres (?) aquò mòstra al contrari que sapiens neandertalians e sapiens sapiens son plan de la meteissa espècia, coma los blancs e los negres actuals, tot simplament.
E per çò que n'es de la fòrma del front, rapelarem tanben que los neandertalians avián un volum cerebral generalament superior al nòstre. La fòrma "mai redonda" apareis mai tard e passa donc per "mai evoluïda", çò que non vòl dire grand causa, scientificament, en tèrme d'eventual avantatge adaptatiu, plan segur, ja que lo mond sempre càmbia.
Las femnas han lo cran mai redon que los homes. Pot ser que los homes som mai neardentals ,mai brutus se que ho som.
Que per los cranes non nos divisem entre pauc neandertalians e plan meandertalians. Que n'avem un sadol d'arians e non arians!!!!!!!!!!!!!!!!!!.
Crane redond contre crane de travers, farem una brava batalha de pelochons.
Mas existe daus cranes alongeats que se trobat chas daus faraons. L'òm dich mesme que si la tiara papala es tant nauta, quò era per catar los cranes alongeats.
Mas l'arqueologia s'adapta a la teoria. Catam aqueus cranes alongeats que volam pas veire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari