En mai de la Soca de Nadau de Les (Quate Lòcs) e de la Torrèla de Cap Berton (Maremne), de fuòcs s’alucan en Occitània tota tant al solstici d’estiu, per Sant joan, coma pel d’ivèrn, la nuèch de Nadal. Ièr de ser s’aluquèt tanben a Sant Sever (Shalòssa). La halha de Nadau s’alumèt, coma d’abitud, sul puèg de Morlana, e lo mond del quartièr convidèron las gents a viure e participar al fuòc en tot gostar de còcas e de vin caud al son de la banda musicala de l’endrech e de las cançons tradicionalas de Gasconha, ont podiá pas mancar la cançon de la falha de Nadal: “Halha de Nadau, la tripa au pau, lo pòrc a la sau, garia au topin, coratge vesin!”
 
Del mirador de Morlana se podiá veire tanben las falhas alumadas dins la plana d’Ador en Shalòssa.
 
Segon la tradicion de Gasconha, dins los ostals s'aluca un pichon falhon a la man per far fugir lo malastre.