Lo jihadista francés Peter Cherif foguèt arrestat a Jiboti e extradit en França dimenge passat, ont lo garda a vista la polícia francesa. Pròche dels fraires Kouachi, autors de l’atemptat de Charlie Hebdo, Cherif poiriá èsser un dels cervèls del masèl que lo patiguèt la revista francesa en genièr de 2015.
 
A 36 ans, Peter Cherif èra un dels jihadistas franceses pus recercats del Mond. Aviá agut una comunicacion frequenta amb Chérif e Saïd Kouachi, los autors presumits del masèl a Charlie Hebdo, que tuèron 12 personas, la majoritat de dessenhaires e jornalistas del setmanièr. Dos jorns après lo chaple, lo 9 de genièr, los fraires Kouachi foguèron abatuts per la polícia pendent la presa d’ostatges de Dammartin-en-Goële.  Segon los enquestaires, Cherif poiriá aver comanditat lo crime.
 
 
Font d’informacion del jihadisme internacional
 
Los enquestaires considèran que Peter Cherif es una font d’informacion de primièr òrdre del jihadisme internacional. Venguèt membre d’Al Qaida en Iemèn en 2004. En 2011, fugiguèt la justícia francesa. En 2015, après l’atemptat contra Charlie Hebdo, los Estats Units l’inscriguèron sus sa lista de terroristas.
 
 
Detencion en Jiboti
 
Segon las autoritats de Jiboti, Cherif èra arribat de Iemèn dins aquela republica africana amb de falses documents d’identitat.
 
Peter Cherif “aviá fugit la justícia francesa e ara deu respondre de sas accions”, çò diguèt lo ministre de l’Interior francés, Christophe Castaner, en tot saludar “l’eficacitat” de sos servicis e “los escambis internacionals”.
 
Lo detengut “poirà parlar amb son avocat”, Éric Plouvier, amb lo qual aviá ja comunicat abans de fugir França. Mas sembla qu’el preferís demorar silenciós fins a sa compareissença davant lo jutge.
 

Peter Cherif a été placé en garde à vue en France sous l'autorité de nos forces de securité.
Je salue l'efficacité de nos services et les échanges internationaux qui ont permis son arrestation.
Il avait fui la justice française.
Il devra devant elle répondre de ses actes.

— Christophe Castaner (@CCastaner) 23 de desembre de 2018

 
 
Charlie Hebdo saluda la detencion
 
“Passa al jornal quand auràs 5 minutas”, es atal que Charlie Hebdo saluda dins sa primièra pagina la detencion de Cherif.
 

Charlie Hebdo salue l’arrestation de Peter Cherif en Une https://t.co/ZPQJMYJBp7pic.twitter.com/y0BC0LVLfG

— Sud Ouest (@sudouest) 24 de desembre de 2018