Actualitats
L’Assemblada Nacionala Catalana presenta sa nòva estrategia
Repròcha al govèrn de la Generalitat “tròp de contradiccions e d’inaccion”
L’Assemblada Nacionala Catalana (ANC) presentèt dissabte passat a Barcelona sa nòva estrategia politica, ont refermèt son escomesa per l’uniteralitat e la non-violéncia. La presidenta, Elisenda Paluzie, diguèt que lo moment actual èra un dels pus malaisits dempuèi la fondacion de l’ANC en 2012 e demandèt de contunhar de trabalhar “sens [s’]enganar”.
Criticas envèrs lo govèrn de la Generalitat
Atal, l’ANC demandèt al govèrn de la Generalitat de se metre al trabalh e li reprochèt “tròp de contradiccions e d’inaccion”. De fach, l’ANC demanda al govèrn catalan se trabalha per alestir l’independéncia e per clarificicar çò se passa amb la polícia catalana, los Mòssis d’Esquadra, que darrièrament rebutan amb una violéncia desproporcionada tota protèsta pacifica de l’independentisme. En mai d’aquò, precisa que se lo govèrn satisfà pas l’independentisme, los independentistas tornaràn pas votar per el.
Paluzie expliquèt tanben que l’ANC parlava amb los partits independentistas, mas que las posicions èran desparièras. “Per eles totes, lo mandat del primièr d’octòbre significa pas la meteissa causa”, çò diguèt en referéncia al referendum de 2017. A mai, planguèt qu’aqueles partits èran pas d’acòrdi sus qué far tre ara ni quora ni cossí se poiriá far l’independéncia. “Per aquela rason l’unitat es tan malaisida”, çò precisèt.
L’independentisme a sovent ganhat
L’ANC critica las proposicions de far un referendum pachar amb Espanha. “Demandar ara un referendum pacha e, de mai, lo far amb tres opcions, nos remanda a 2013. Nos afeblís. Servís pas a res. Los referendums son binaris, aicí e endacòm mai”, çò assolidèt Paluzie en tot precisar que, se caliá negociar, o caliá far “amb l’esperit de victòria” perque considèra que l’independentisme a ja ganhat “sovent”.
Tanben insistiguèt per que se criminalizèsse pas los CDR ni mai que se critiquèsse los que se tapan la cara dins las manifestacions, car i a de personas que per protestar an patit la repression de la lei antiterrorista.
Optimisme e esperança
Segon l’ANC, l’independéncia pòt arribar “sens precisar cap de data mas lèu”. Dins aquel sens, Paluzie diguèt que caliá pas esperar que la Cort Europèa dels Dreches Umans se prononcièsse suls presonièrs politics car aquò lor fariá “esperar sèt ans”.
Per i arribar, l’ANC comença ara de campanhas per influir sus las cambras de comèrci, per daverar de majoritats independentistas dins las eleccions municipalas del mes de mai que ven. Tanben alestís una denóncia internacionala de la situacion dels presonièrs, exiliats e represalhats en tot exigir que s’anulle lo jutjament que lo realiza la justíca espanhòla.
Una autra campanha entamenada es d’obténer que los conselhs executius de las institucions catalanas sián dirigits per de personas independentistas, per tal que “quand arribarà lo moment de la desconnexion, sián prèstes a respondre de biais clar”.
Enfin, l’ANC cèrca de far campanha per aver mai d’adesions. A l’ora d’ara es compausada d’aperaquí 80 000 personas.
Criticas envèrs lo govèrn de la Generalitat
Atal, l’ANC demandèt al govèrn de la Generalitat de se metre al trabalh e li reprochèt “tròp de contradiccions e d’inaccion”. De fach, l’ANC demanda al govèrn catalan se trabalha per alestir l’independéncia e per clarificicar çò se passa amb la polícia catalana, los Mòssis d’Esquadra, que darrièrament rebutan amb una violéncia desproporcionada tota protèsta pacifica de l’independentisme. En mai d’aquò, precisa que se lo govèrn satisfà pas l’independentisme, los independentistas tornaràn pas votar per el.
Paluzie expliquèt tanben que l’ANC parlava amb los partits independentistas, mas que las posicions èran desparièras. “Per eles totes, lo mandat del primièr d’octòbre significa pas la meteissa causa”, çò diguèt en referéncia al referendum de 2017. A mai, planguèt qu’aqueles partits èran pas d’acòrdi sus qué far tre ara ni quora ni cossí se poiriá far l’independéncia. “Per aquela rason l’unitat es tan malaisida”, çò precisèt.
L’independentisme a sovent ganhat
L’ANC critica las proposicions de far un referendum pachar amb Espanha. “Demandar ara un referendum pacha e, de mai, lo far amb tres opcions, nos remanda a 2013. Nos afeblís. Servís pas a res. Los referendums son binaris, aicí e endacòm mai”, çò assolidèt Paluzie en tot precisar que, se caliá negociar, o caliá far “amb l’esperit de victòria” perque considèra que l’independentisme a ja ganhat “sovent”.
Tanben insistiguèt per que se criminalizèsse pas los CDR ni mai que se critiquèsse los que se tapan la cara dins las manifestacions, car i a de personas que per protestar an patit la repression de la lei antiterrorista.
Optimisme e esperança
Segon l’ANC, l’independéncia pòt arribar “sens precisar cap de data mas lèu”. Dins aquel sens, Paluzie diguèt que caliá pas esperar que la Cort Europèa dels Dreches Umans se prononcièsse suls presonièrs politics car aquò lor fariá “esperar sèt ans”.
Per i arribar, l’ANC comença ara de campanhas per influir sus las cambras de comèrci, per daverar de majoritats independentistas dins las eleccions municipalas del mes de mai que ven. Tanben alestís una denóncia internacionala de la situacion dels presonièrs, exiliats e represalhats en tot exigir que s’anulle lo jutjament que lo realiza la justíca espanhòla.
Una autra campanha entamenada es d’obténer que los conselhs executius de las institucions catalanas sián dirigits per de personas independentistas, per tal que “quand arribarà lo moment de la desconnexion, sián prèstes a respondre de biais clar”.
Enfin, l’ANC cèrca de far campanha per aver mai d’adesions. A l’ora d’ara es compausada d’aperaquí 80 000 personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Encara un arlèri aqueste matin, sus France Inter, que demòra en Provença mas a gardat l'accent (ponchut vòli dire) e que compara los catalans que vòlon escapar de l'Espanha poirida e estofanta amb los electors del Trum-petaire. Un adèpte del "populisme" a totas las salsas saique.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari