capçalera campanha

Actualitats

InternacionalPoliticaSocietat

Nadal sus l’Open Arms

L’Open Arms es en camin vèrs lo sud d’Espanha après aver salvat mai de 300 personas davant las còstas de Libia. Libia, Itàlia, França, Tunisia e Malta an refusat d’aculhir los naufragièrs

| @OlmoCalvo
Divendres passat, 21 de decembre, la nau Open Arms veniá de socórrer 313 personas qu’èran a se negar dins la Mediterranèa, davant las còstas de Libia, a unes 50 milas al nòrd-èst de Trípol. Mas las autoritats de Libia, Itàlia, França, Tunisia e Malta refusèron de desembarcar aquelas personas dins lors pòrts, e l’illa de Malta acceptèt sonque d’aculhir un enfanton e sa maire, que veniá de s’ajaire. Lo vaissèl es en camin vèrs lo sud d’Espanha, ont a daverat la permission de desembarcar los tres centenats de refugiats al pòrt d’Algeciras. Son arribada es prevista lo 28 de decembre que ven. Mentre que fa son percors, una autra nau de l’organizacion umanitària catalana Proactiva Open Arms, apelada Astral, partiguèt de Catalonha e es arribada fins a Open Arms per lor donar de manjar e de provesiment. Tanben lor a portat lo tradicional Tió de Nadal, lo cachafuòc catalan, que dona de presents als enfants.
 
Mentretant, un jove de 14 ans poguèt tanben quitar lo naviri dissabte passat. Foguèt menat en elicoptèr entrò un espital dins l’illa de la Lampedosa. Las autoritats italianas si qu’an acceptat de garir lo gojat sortit de Somalia que patís una grèva infeccion. Lo dròlle foguèt tabassat brutalament en Libia.
 
Proactiva Open Arms anoncièt en novembre passat que tornava agir sus las aigas de la Mediterranèa centrala, entre Libia e Itàlia, l’endrech pus murtrièr del Mond. Davant “l’inaccion deliberada” de l’Union Europèa, “contunharem d’obrar coma fins ara, en respectant lo drech de la mar en aigas internacionalas, coma avèm totjorn fach, e veirem ben çò que se passa quand socorrèm”, çò diguèt lo director d’Open Arms, Òscar Camps, dins una conferéncia de premsa.
 


 


 




abonar los amics de Jornalet
La nau de sosten arribada de Catalonha a portat de provesiment e lo tradicional <em>Tió</em>, lo cachafuòc catalan, qu’a donat de presents e de jòia als mainats
La nau de sosten arribada de Catalonha a portat de provesiment e lo tradicional Tió, lo cachafuòc catalan, qu’a donat de presents e de jòia als mainats | @OlmoCalvo
Nadal sus l’Open Arms
Nadal sus l’Open Arms | @OlmoCalvo

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Enric Mala Tèsta
1.

Libia, Itàlia, França, Tunisia e Malta an refusat d’aculhir los naufragièrs : pas estomacant, d'aquí enlà, la l'extrèma dreita cace adara subre los territòris istorics de l'ideologia d'esquèrra (non pas "extrèma" mas simplament non-liberala) ! Qué li demòra encara de vendre coma ensaladas alarmistas racistas, quora la reglamentacion oficiala de l'estat francés ven ja tant inumana ?

  • 6
  • 1

Escriu un comentari sus aqueste article