Actualitats
Catalonha: an cantat lo Messias d’Händel davant la preson de Lledoners
Lo concèrt comencèt a miègjorn per que los presonièrs lo poguèsson escotar, car a aquela ora son dins lo pati. L’eveniment venguèt un clam per la libertat dels presonièrs politics
Aperaquí mièg milièr de cantadors e musicians s’organizèron ièr dissabte a miègjorn per interpretar lo Messias d’Händel davant la preson de Lledoners, en Catalonha, ont se tròban la majoritat dels presonièrs politics catalans. Lo concèrt comencèt a miègjorn per que los presonièrs lo poguèsson escotar, car a aquela ora son dins lo pati. L’orquèstra e los cantadors èran en fàcia de la preson per que, sens sonorizacion, se poguèsse escotar lo concèrt dedins.
“Avèm 150 contraltos, 75 bassas e mai d’80 tenors; de solistas, de tenors e de sopranos, totes professionals. Avèm demandat que sián de gents qu'ajan cantat lo Messias fa gaire e que conescan la particion de còr”, çò ditz a VilaWeb Albert Bardonet, un dels organizaires de l’eveniment. An participat, a títol personal, de musicians de las principalas orquèstras de Catalonha.
L’iniciativa amassèt 9000 personas a l’entorn dels musicians.
Atal sonèt lo conegut “Alleluia” de l’oratòrio d’Händel:
“Avèm 150 contraltos, 75 bassas e mai d’80 tenors; de solistas, de tenors e de sopranos, totes professionals. Avèm demandat que sián de gents qu'ajan cantat lo Messias fa gaire e que conescan la particion de còr”, çò ditz a VilaWeb Albert Bardonet, un dels organizaires de l’eveniment. An participat, a títol personal, de musicians de las principalas orquèstras de Catalonha.
L’iniciativa amassèt 9000 personas a l’entorn dels musicians.
Atal sonèt lo conegut “Alleluia” de l’oratòrio d’Händel:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari