Actualitats
Condemnada a tres meses de preson ferma per l’exemple
Salariada, militanta del PCF, Gilet Jaune e casièr judiciari verge, Maria B. ven d'èsser condemnada après una procedura plena d'irregularitats
La justícia francesa a condemnat Maria B., una femna de 37 ans de Diá, a nòu meses d’empresonament, dont tres meses de preson ferma, amb enebicion de manifestar pendent tres ans. Segon L’Humanité, l’an detenguda per sa militància al PCF e per “mandar un messatge a l’exterior”. De soslinhar que lo procuraire aguèt de dificultats realas a caracterizar e provar los faches reprochats a la detenguda, que son casièr judiciari èra verge. E mai ela a refusat sa participacion a cap d’acte violent e apareis pas dins cap dels vidèos utilizats coma element de pròva.
Maria B. e tres autres detenguts los an jutjats per “violéncia volontària en reünion sus persona depositària de l’autoritat publica”. Son acusats d’aver participat a l’agression del director departamental de la polícia durant una protèstal dels Gilets Janes. La detenguèron a Valença, l’8 de decembre passat, amb dos gojats de 22 ans, que son estats condemnats a pagar de multas de 10 000 èuros. Lo quatren detengut, considerat al jutjament coma “lo mai violent e lo mai determinat a ne descóser”, li an infligit 18 meses de preson, dont sièis amb sosta e 15 000 èuros de multa, dont la mitat amb sosta.
Aquel jorn, las autoritats decidiguèron de desgatjar lo terrenh e l’ambient èra electric. Es alara que lo cap de la polícia, present en persona, cenhèt un dels manifestants que preniá la fugida. Segon la polícia, “una desena de Gilets Jaunes li tombèron dessús, en lo fasent tombar al sòl”, çò rapòrta l’AFP.
Maria venguèt militanta del PCF fa qualques meses. Abita a Diá ont es salariada dins una pancosariá bio. Lo jorn dels faches, se retrobèt amb de nombroses Gilets Jaunes sus un giratòri a l’intrada nòrd de Valença ont participèron a un barratge filtrant. Lo prefècte donèt l’òrdre a las fòrças de la polícia de far sautar lo barratge en ocasionant dos ferits demest los manifestants que foguèron menats a l’espital. Puèi, los manifestants se repleguèron devèrs los magazins de la zòna comerciala aquí pròcha mentre que los policièrs redoblèron lor vigilància e los perseguiguèron. Una de las botigas dobriguèt sas pòrtas per aculhir los manifestants que fugissián los còps de matraca e las bombas lacrimogènas. Al meteis moment, de policièrs en civil se’n prenián a un pichon grop de manifestants dont Maria. Aquesta se defendèt e quitèt los luòcs.
Puèi, devèrs 16h, Maria èra al centre vila de Valença. Aquí, quatre policièrs l’arrestèron, e la placèron en gàrdia a vista amb tres autres manifestants del matin qu’avián patit lo meteis sòrt. Dos jorns après, compareissiá davant lo tribunal de Valença ont lo procuraire la condemnèt a una detencion provisòria malgrat qu’aguèsse de dificultats realas a caracterizar e provar los faches reprochats a la detenguda diesa.
De soslinhar que Maria a negat tot acte violent de sa part, qu’es pas jamai estada detenguda per la polícia, qu’es salariada d’una fornariá a Diá e qu’apareis pas dins cap dels vidèos utilizats coma element de pròva. Pel Partit Comunista, s’agís d’una “situacion intolerabla e inadmissibla”.
Maria B. e tres autres detenguts los an jutjats per “violéncia volontària en reünion sus persona depositària de l’autoritat publica”. Son acusats d’aver participat a l’agression del director departamental de la polícia durant una protèstal dels Gilets Janes. La detenguèron a Valença, l’8 de decembre passat, amb dos gojats de 22 ans, que son estats condemnats a pagar de multas de 10 000 èuros. Lo quatren detengut, considerat al jutjament coma “lo mai violent e lo mai determinat a ne descóser”, li an infligit 18 meses de preson, dont sièis amb sosta e 15 000 èuros de multa, dont la mitat amb sosta.
Aquel jorn, las autoritats decidiguèron de desgatjar lo terrenh e l’ambient èra electric. Es alara que lo cap de la polícia, present en persona, cenhèt un dels manifestants que preniá la fugida. Segon la polícia, “una desena de Gilets Jaunes li tombèron dessús, en lo fasent tombar al sòl”, çò rapòrta l’AFP.
Maria venguèt militanta del PCF fa qualques meses. Abita a Diá ont es salariada dins una pancosariá bio. Lo jorn dels faches, se retrobèt amb de nombroses Gilets Jaunes sus un giratòri a l’intrada nòrd de Valença ont participèron a un barratge filtrant. Lo prefècte donèt l’òrdre a las fòrças de la polícia de far sautar lo barratge en ocasionant dos ferits demest los manifestants que foguèron menats a l’espital. Puèi, los manifestants se repleguèron devèrs los magazins de la zòna comerciala aquí pròcha mentre que los policièrs redoblèron lor vigilància e los perseguiguèron. Una de las botigas dobriguèt sas pòrtas per aculhir los manifestants que fugissián los còps de matraca e las bombas lacrimogènas. Al meteis moment, de policièrs en civil se’n prenián a un pichon grop de manifestants dont Maria. Aquesta se defendèt e quitèt los luòcs.
Puèi, devèrs 16h, Maria èra al centre vila de Valença. Aquí, quatre policièrs l’arrestèron, e la placèron en gàrdia a vista amb tres autres manifestants del matin qu’avián patit lo meteis sòrt. Dos jorns après, compareissiá davant lo tribunal de Valença ont lo procuraire la condemnèt a una detencion provisòria malgrat qu’aguèsse de dificultats realas a caracterizar e provar los faches reprochats a la detenguda diesa.
De soslinhar que Maria a negat tot acte violent de sa part, qu’es pas jamai estada detenguda per la polícia, qu’es salariada d’una fornariá a Diá e qu’apareis pas dins cap dels vidèos utilizats coma element de pròva. Pel Partit Comunista, s’agís d’una “situacion intolerabla e inadmissibla”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Sèm d'acòrdi sus aqueste cas. Es la generalizacion del comentari de Francesc que tròbi fòra rason.
#7 E lèumens, los actes de "manten de l'òrdre", tal coma son descrits aquí, son una vertadièra insulta a çò que deuriá èsser onèstament la polícia : un servici public, al servici del pòble.
#4 Per vòstra informacion, dins la Milicia TOTES èran d'extrèma drecha. Es pas lo cas dels policièrs e dels jutges franceses que, en esperant d'arguments mai segurs, devon èsse tant d'extrèma drecha coma la populacion francesa (e occitana e occitanista). Pas mai. En tot cas vòstre comentari es una ofensa grèva pels policièrs e pels jutges qu'o son pas. Mas supausa qu'aquò vos tòca pas.
Es un verdict digne dels procèsses de Moscó !
#4 Avètz de precisions? De chifras?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari