Lo tsumani creat per l'erupcion de l'Anak Krakatau daissèt aqueste decembre passat una tragica chifra de 430 personas mòrtas e de desenats de milièrs de desplaçadas. Lo tsunami lo provoquèt un enòrme esquilhament de terren jos la mar après l’erupcion del volcan, en tocant mai d’una zòna de l’estrech de la Sonda, que separa las illas de Java e Sumatra e qu’unís la mar de Java al nòrd a l’ocean Indian al sud.
 
Ara, d'imatges satelitalas nos revèlan que lo volcan Anak Krakatau es ara fòrça mai pichon. Segon lo pòrtavotz de l'Agéncia Indonesiana per la Gestion de las Catastròfas, Sutopo Purwo Nugroho, l'erupcion foguèt de pichona magnidud mas provoquèt l'esfondrament d'una part de l'illa, çò que provoquèt las èrsas de fins a cinc mètres qu'afondrèron las còstas de las illas de Java e Sumatra que tòcan l’estrech de la Sonda.
 
Lo cratèr del volcan es totjorn fragil e i a de perilh d'un autre esfondrament que poiriá provocar un autre tsunami.
 
 
L'Anak Krakatau reduch a la mitat
 
Lo nom del volcan, Anak Krakatau, vòl dire "lo filh de Krakatoa" en memòria del volcan que lo precediguèt. L’Anak Krakatau emergiguèt de la destruccion del Krakatoa en 1927 en creant una nòva illa. Dempuèi alavetz es estat a créisser fins a sa darrièra erupcion lo 23 de decembre passat.

Los imatges seguents de l'Agéncia Aeroespaciala de Japon (JAXA) mòstran l'Anak Krakatau lo 20 d'agost e lo 24 de decembre de 2018, e se pòt veire que l'illa es reducha a la mitat.



© JAXA