La sonda espaciala New Horizons, de la NASA, a subrevolat Ultima Thule, un astre situat a aperaquí 6,5 miliards de quilomètres de la Tèrra e, doncas, l’objècte mai luenchenc que l’òme aja jamai explorat. Lo 1r de genièr a 5h33 (6h33 del matin segon l’ora occitana), las camèras de la sonda passèron al dessús de l’objècte e la còla del Laboratòri de Fisica Aplicada John Hopkins, als Estats Units, festejava aquela reüssida scientifica sens precedents. "Go New Horizons" (Anem, New Horizons!), çò s’exclamèt lo director de la mission, Alan Stern.
 
La descobèrta nos permetrà de conéisser fòrça mai de causas sus l’origina del sistèma solar.
 
Ultima Thule es un cubewano, çò es un membre d’una classa d’objèctes menors que se tròban dins la region de l’anèl de glaç situada delà Neptun e coneguda coma la Cencha de Kuiper. Aquel cubewano es nomenat oficialament 2014 MU69, mas la NASA organizèt un concors per nomenar l’objècte e lo public causiguèt aquel tèrme emplegat pels geografes de l’Empèri Roman e de l’Edat Mejana per nomenar un luòc situat mai luènh que lo Mond conegut.
 

THIS is #UltimaThule.

The image taken by @NASANewHorizons - shown in its original version (left) & sharpened version (on right) - is the most detailed image of the farthest object ever explored by a spacecraft. https://t.co/gItPsMvbPC@NASApic.twitter.com/i7rDBURNrw

— Johns Hopkins APL (@JHUAPL) 2 de gener de 2019