Lo jorn dels Reis Magues o Epifania es una fèsta tradicionala en Occitània tota que se celèbra lo 6 de genièr. L'azard qu'ongan siá un dimenge permet que tot lo país la pòsca festejar a l'encòp. En d'autras ocasions, lo 6 de genièr es solament jorn de fèsta en Aran e dins las Valadas, mas en Mónegue e dins l’estat francés, lo 6 de genièr es un jorn obrant e la celebracion de l’Epifania de còps se diferís devèrs d'autras datas.
La fèsta consistís normalament en un bon repais en familha e una còca al dessèrt que conten una fava. Segon la tradicion, lo mai jove se deu metre jos la taula per designar la part de la còca que tòca a cadun. Lo que trobarà la fava dins sa part vendrà lo rei de la fèsta.
En Aran
En Aran, los mainatges an escrich de letras als Reis Magues en lor demandant de presents, e las an liuradas als postièrs reials que se tròban al país per Calendas. La velha, los tres Reis Magues desfilan per Aran amb tota lor seguéncia dins la tradicionala “cavaucada”. Aqueste matin, los mai petits an trobat a l’ostal los presents que los Reis Magues e lors ajudaires lor an daissats.
Origina crestiana
E mai se tracte d’una fèsta amb un aspècte mai que mai tradicional, l’origina es religiosa coma dins la majoritat de las tradicions del país. De l’origina crestiana de l’Epifania, ne parlèt fa qualques ans Joan-Jacme Fénié dins Jornalet:
L’Evangèli de Matieu parla deus magues d’Orient arribats a Jerusalèm. Lo rei Eròdes que’us prèga d’anar véder lo Ninòt vadut a Betleèm. Que segueishen la famosa estela tà trobar lo camin. Normau: qu’an per mestièr de léger dens lo cèu! Hòrt polits e arrespectuós, n’oblidan pas de portar presents au drollòt: aur, mirra e encens. Qu’es tot çò qu’an trobat en magazin. Apareishuts probablament au sègle IVu, los evangèlis apocrifs (comprenetz: los qui son en principi tienguts secrets) que parlan deu bueu e de l’ase. E, plan mei tard, los Reis Magues, dens la “Legenda Daurada”, que son aperats Gaspar, Marchion e Bautesar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Bon exemple e mercé d'acceptar la discuta.
Aquell article precisa qu'es una manifèsta catolica, de tradicion biblica, e es una informacion subre la vida locala. Aquò fai pas cap problèma.
Amb aquò, Occitània es contrastada, culturalament, politicament...una entitat complèxa de mal comprendre de Barcelona o Vielha estant...
Degun jornal del Mièjorn de França ausaria publicar un tal article.
Seria ridicul.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Es fals de dire qu'en França al sègle vint, l'Epifania èra un jorn feriat.
Attencíon!
I'a doas versions del medeis article que puèjan, ambe una tièra de commentaris desparièira.
Un còp l'una, un còp l'autra.
I'a de bruèissas!
#13 Bon exemple e mercé d'acceptar la discuta.
Aquell article precisa qu'es una manifèsta catolica, de tradicion biblica, e es una informacion subre la vida locala. Aquò fai pas cap problèma.
Amb aquò, Occitània es contrastada, culturalament, politicament...una entitat complèxa de mal comprendre de Barcelona o Vielha estant...
#12 Cresètz?
https://www.google.com/amp/s/www.midilibre.fr/amp/2018/01/05/lunel-le-cortege-de-la-fete-des-rois-mages-fete-ses-40-ans,1610364.php
Degun jornal del Mièjorn de França ausaria publicar un tal article.
Seria ridicul.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari