Actualitats
Le Mans: refusan d’indemnizar completament una femna que foguèt defenestrada per son companh e venguèt paraplegica
L’administracion considèra “que i a un partatge de responsabilitat” e que la victima cometèt “una falta civila en tornant a son domicili”
L’administracion francesa refusa d’indemnizar completament una femna de Le Mans, qu’en 2013 foguèt defenestrada per son companh e venguèt paraplegica. La Comission d’Indemnizacion de las Victimas d’Infraccions (CIVI) a retengut lo partatge de responsabilitat e li pagarà solament una indemnizacion parciala, car considèra que la victima es parcialament responsabla de l’agression que la patiguèt car ela decidiguèt d’anar dormir en cò sieu.
En junh de 2016, tres ans après l’agression que la daissèt paraplegica, la cort d’assisas fixèt la provision per l’indemnizacion a 90 000 èuros. Sos avocats sasisson la CIVI per que l’estat, via lo fons de garentida de las victimas (FGTI), pague aquel argent. Mas l’FGTI reten pas qu’una indemnizacion parciala car considèra “que i a un partatge de responsabilitat e que [lor] clienta a comés una falta civila en torant a son domicili”. Lo 13 de febrièr de 2018, l’FGTI reten egalament lo partatge de responsabilitat e prepausa de pagar 67 500 èuros. Ara, après l’anóncia de la CIVI, los avocats de la victima an fach apelacion e una audiéncia se tendrà a la fin del mes de mai que ven.
De son caire, la secretària d’estat en carga de l’egalitat entre las femnas e los òmes, Marlène Schiappa, a reagit a l’afar en assegurant qu’ela es prèsta a intervenir personalament sul dorsièr.
Los faches
La victima aviá 25 ans al moment de l’agression. Ara n’a 31. L’afar remonta al 24 d’agost de 2013. Lo companh de la jove femna veniá d’agressar un amic comun e la polícia li conselhèt que restèsse pas dormir en cò d’ela. La femna decidiguèt d’anar en çò de sa familha, a Alençon, a unes 60 quilomètres al nòrd de Le Mans, mas foguèt tròp tard per prene lo tren. Alavetz ela mandèt de textòts a qualques amics e telefonèt quitament lo 115, mas quitament pas lo servici d’albergament d’urgéncia de las personas sens abric l’aculhiguèt.
Ela patissiá de violéncias abitualas de part de son companh, mas “cap d’elas aviá donat luòc a espitalizacion”, çò precisa son avocat. Mas al moment que la polícia partiguèt, lo companh se’n prenguèt a ela. Devèrs 3h30 del matin, los vesins telefonèron a la polícia, car ausissiá de crits, de menaças, d’objèctes lançats... Quand los agents arribèron, la trobèron jasenta e inconscienta al pè de l’immòble. Son companh veniá de la butar per la fenèstra. Ela demorèt paraplegica. El es estat reconegut colpable e condemnat a 15 ans de preson.
En junh de 2016, tres ans après l’agression que la daissèt paraplegica, la cort d’assisas fixèt la provision per l’indemnizacion a 90 000 èuros. Sos avocats sasisson la CIVI per que l’estat, via lo fons de garentida de las victimas (FGTI), pague aquel argent. Mas l’FGTI reten pas qu’una indemnizacion parciala car considèra “que i a un partatge de responsabilitat e que [lor] clienta a comés una falta civila en torant a son domicili”. Lo 13 de febrièr de 2018, l’FGTI reten egalament lo partatge de responsabilitat e prepausa de pagar 67 500 èuros. Ara, après l’anóncia de la CIVI, los avocats de la victima an fach apelacion e una audiéncia se tendrà a la fin del mes de mai que ven.
De son caire, la secretària d’estat en carga de l’egalitat entre las femnas e los òmes, Marlène Schiappa, a reagit a l’afar en assegurant qu’ela es prèsta a intervenir personalament sul dorsièr.
Los faches
La victima aviá 25 ans al moment de l’agression. Ara n’a 31. L’afar remonta al 24 d’agost de 2013. Lo companh de la jove femna veniá d’agressar un amic comun e la polícia li conselhèt que restèsse pas dormir en cò d’ela. La femna decidiguèt d’anar en çò de sa familha, a Alençon, a unes 60 quilomètres al nòrd de Le Mans, mas foguèt tròp tard per prene lo tren. Alavetz ela mandèt de textòts a qualques amics e telefonèt quitament lo 115, mas quitament pas lo servici d’albergament d’urgéncia de las personas sens abric l’aculhiguèt.
Ela patissiá de violéncias abitualas de part de son companh, mas “cap d’elas aviá donat luòc a espitalizacion”, çò precisa son avocat. Mas al moment que la polícia partiguèt, lo companh se’n prenguèt a ela. Devèrs 3h30 del matin, los vesins telefonèron a la polícia, car ausissiá de crits, de menaças, d’objèctes lançats... Quand los agents arribèron, la trobèron jasenta e inconscienta al pè de l’immòble. Son companh veniá de la butar per la fenèstra. Ela demorèt paraplegica. El es estat reconegut colpable e condemnat a 15 ans de preson.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari