Actualitats
Lo papa Francés demanda a Euròpa d’aculhir los migrants salvats en Mediterranèa
Sollicita los dirigents europèus “per qu’eles fagan pròva de solidaritat concreta envèrs aquelas personas”
Lo Papa Francés a demandat als caps europèus d’aculhir los migrants chambotats en Mediterranèa. Dins sa pregària de l’Angèlus d’aqueste dimenge passat, lo pontife faguèt un “apèl cochós als dirigent europèus per qu’eles fagan pròva de solidaritat concreta envèrs aquelas personas”. Los milièrs de fidèls qu’emplissián la Plaça Sant Pèire del Vatican aplaudiguèron sas paraulas.
Lo pontife parlava de l’afar dels 49 migrants salvats per doas naus de l’organizacion umanitària Sea Watch que son, dempuèi doas setmanas, blocadas sus la mar en esperant qu’un pòrt lor permeta de desembarcar. Demest aquelas 49 personas i a dos enfants e un enfanton.
En mai d’aquò, 17 migrants se tròban al bòrd del vaissèl Professor Albrecht Penck de Sea-Eye, dempuèi lo 29 de decembre passat. L’organizacion Sea Watch Itàlia a fach una crida desesperada: “Metam lo ponch final a aquela insuportabla violacion del drech internacional e dels dreches fondamentals, fasètz-los desembarcar lèu!”
Malta e Itàlia inflexiblas
Lo primièr ministre de Malta, Joseph Muscat, quita pas de dire que son país vendrà pas lo luòc ont desembarcaràn los migrants socorreguts, que los autres païses refusan d’aculhir. “Cal trobar un equilibri entre la proteccion de la vida umana e la proteccion de Malta e sa seguretat, per evitar que siá menaçada”, çò assegurèt. Aquel país permetèt fa qualques jorns a las doas naus mençonadas d’intrar dins sas aigas territorialas per se protegir del tempèri, mas autorizèt pas lo desembarcament de las personas.
Quant al govèrn d’Itàlia, manten la decision de dobrir pas los pòrts del país a “l’immigracion illegala”, en seguissent la linha politica de son ministre de l’Interior, Matteo Salvini, que se vanta d’aver reduch radicalament los desembarcaments.
L’esperança per aquelas personas se tròba ara dins las decisions de qualques cònsols màgers, coma lo de Nàpols e lo de Palèrme, que se son rebellats contra las mesuras antimigrants de Salvini.
Lo pontife parlava de l’afar dels 49 migrants salvats per doas naus de l’organizacion umanitària Sea Watch que son, dempuèi doas setmanas, blocadas sus la mar en esperant qu’un pòrt lor permeta de desembarcar. Demest aquelas 49 personas i a dos enfants e un enfanton.
En mai d’aquò, 17 migrants se tròban al bòrd del vaissèl Professor Albrecht Penck de Sea-Eye, dempuèi lo 29 de decembre passat. L’organizacion Sea Watch Itàlia a fach una crida desesperada: “Metam lo ponch final a aquela insuportabla violacion del drech internacional e dels dreches fondamentals, fasètz-los desembarcar lèu!”
Malta e Itàlia inflexiblas
Lo primièr ministre de Malta, Joseph Muscat, quita pas de dire que son país vendrà pas lo luòc ont desembarcaràn los migrants socorreguts, que los autres païses refusan d’aculhir. “Cal trobar un equilibri entre la proteccion de la vida umana e la proteccion de Malta e sa seguretat, per evitar que siá menaçada”, çò assegurèt. Aquel país permetèt fa qualques jorns a las doas naus mençonadas d’intrar dins sas aigas territorialas per se protegir del tempèri, mas autorizèt pas lo desembarcament de las personas.
Quant al govèrn d’Itàlia, manten la decision de dobrir pas los pòrts del país a “l’immigracion illegala”, en seguissent la linha politica de son ministre de l’Interior, Matteo Salvini, que se vanta d’aver reduch radicalament los desembarcaments.
L’esperança per aquelas personas se tròba ara dins las decisions de qualques cònsols màgers, coma lo de Nàpols e lo de Palèrme, que se son rebellats contra las mesuras antimigrants de Salvini.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
auto-corregit :
" que lutèc cronta era ocupacion romana e eras libertats deth son pòble " >>>>>>>>>
" que lutèc cronta era ocupacion romana entà mantier eras libertats deth son pòble,"
Adishatz !
Aon que son passadis totis eths "nhaca-curès" que mos han hartats de comentaris tot ath long deras hestas de Nadau enqui'ath dia deths reis ???
Qu'auèm vist pams e pams de letras d'anti-catolicisme primari que criticauen eras celebracions de hestas paganas multimillenàrias e multiculturalas, mes o mens crestianisadas en eths darrèrs 1500ans. Cap de totis eths comentaris non a jamés pensat o tampòc volut destrigar era part dera crestiandat e la deras tradicions antigas, més naturalistas e apressadas ara laïcitat ( ignorança ? desbrom ? mauvolença ? quan mantuns parlen de "lenga e cultura", aon ei era sua cultura en dehòra deths pòquis libers sons o deth "shòubizÒc" ?).
Quan era religion crestiana, polititzada peth emperaire Costantin, sosten e benaseish totis eths poders criminaus d'agèr e d'auè, que soi eth prumèr a denonciar-ac e luta en cronta.
Quan un o uns seguidors de Ihesus N.R.I. eth Galileenc, que lutèc cronta era ocupacion romana e eras libertats deth son pòble, e hoc aucit peths collaboradors deth son país, qu'aqueth seguidor torna aras valors prumèras de patz, solidaritat e convivènça, qu'ac arreconeishi sencerament, qu'ac celebri e que pensi que dam gent atau podèm hèr un bon tròç de camin, en bonis vesins.
A maugrat que soi atèu e encara mens monoteïste.
Non m'apèri cap Estèue, totun qu'em podetz tirar punts arrois ;-))
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari