Coma cada an pel jorn de l’Epifania se remetèt dimenge passat a Barcelona los prèmis literaris Nadal e Josep Pla, en lenga castelhana e catalana respectivament. Se tracta de prèmis fòrça prestigioses donats per l’ostal d’edicion Destino, e a la ceremònia de remesa participan de grandas personalitats. Ongan, Manuel Valls, qu’es ara candidat a la comuna de Barcelona per las eleccions municipalas que venon, aguèt una ataca de nèrvis chocanta quand se mençonèt los presonièrs politics.
 
Lo laureat del prèmi Josep Pla, Marc Artigau, remembrèt los presonièrs politics dins son discors e diguèt qu’el sentiá “de tristor e de ràbia” en causa de la repression en apondent que “[sentirián] de vergonha” quand se tornariá parlar d’aqueles faches dins l’avenir. Las paraulas de l’escrivan provoquèron una reaccion enmalida de Valls. “Es agaçant!”, çò cridèt l’èx-primièr ministre contra l’escrivan del temps que se virava devèrs l’èx-president catalan Artur Mas, qu’èra a la meteissa taula que Valls, e li disiá: “S’apren a tu. E que se passa? Degun dirà pas res?”
 
Puèi, un còp acabada la gala, Valls anèt al rescontre de la delegada del govèrn espanhòl, Teresa Cunillera, e li demandèt: “Cossí pòdes permetre aquò?”. De remarcar que l’eveniment es organizat per l’ostal d’edicion Destino, e non pas pel govèrn espanhòl.
 
L’actitud de Valls la rapòrtan la jornalista Pilar Eyre e l’escrivan Jordi Cabré, qu’èran a la meteissa taula que l’èx-primièr ministre francés.
 

Premio Nadal en el Ritz, Marc Artigau, premio Josep Pla, recuerda a los políticos presos. Xavier Valls, que está en mi mesa y que ha tenido un comportamiento afable y moderado, se pone nervioso “pesado... Mas, Mas... tu tienes la culpa, y qué pasa? Nadie va a decir nada?”

— Pilar Eyre (@pilareyre) 7 de gener de 2019

 

Valls ha fet un xou impresentable indigne d’un candidat amb voluntat integradora als premis Nadal i Pla d’aquesta nit. I ha afegit, parlant amb la delegada Teresa Cunillera: “Cómo permites esto?”. Loser és poc.

— Jordi Cabré (@jordicabre) 6 de gener de 2019

 
Tanben la rapòrtan lo jornalista Antoni Bassas e quitament son confraire Enric Calpena qu’èra doas taulas mai luènh. “Los qu’èrem aquí arribèrem a la conclusion qu’aviá tròp begut”, çò ditz.

Quan @manuelvalls ha marxat del menjador del Palace, s’ha adreçat a Teresa Cunillera i, referint-se al discurs de @martigau li ha deixat anar un “pero cómo permites esto!” @diariARA

— Antoni Bassas (@antonibassas) 6 de gener de 2019

 

Estava a dues taules de distància quan anit Manuel Valls es va posar a cridar durant el sopar dels premis Nadal i Pla. No vam entendre què i qui cridava, però els qui estàvem allà vam arribar a la conclusió de que algú havia begut massa.

— Enric Calpena (@CalpenaEnric) 7 de gener de 2019

 
Après mièjanuèch, Valls tornèt exprimir son indignacion sus Twitter. “Ai sentit de tristesa, de ràbia e de vergonha après aquel discors e aquela demagogia”, çò assolidava Valls. Plusors responsas a la fiulada de Valls li repròchan de tolerar pas la libertat d’expression.
 

Aquest vespre jo he sentit tristesa, ràbia i vergonya després d’ aquest discurs i d’aquesta  demagògia ..pobre Josep Pla..Prou! https://t.co/SYHZbL3lHy

— Manuel Valls (@manuelvalls) 7 de gener de 2019