Actualitats
Còngo: l’epidemia d’Ebòla s’estend sens contraròtle a causa de la violéncia politica
Dempuèi agost passat, la Republica Democratica de Còngo es victima de la segonda epidemia d’Ebòla pus importanta de l’istòria
L’epidemia d’Ebòla en Republica Democratica de Còngo es arribada a un moment critic. L’Ebòla i tornèt en agost passat e, sièis meses pus tard, lo nombre de mòrts es de 368 e lo d’eventuals pacients de 608, segon de donadas publicadas dimècres passat pel Ministèri de la Santat d’aquel país. E mai, los mètges sospièchan que 29 autras personas poirián èsser tanben malautas. Aquesta flambada es la segonda pus murtrièra de l’istòria de l’Africa Occidentala, solament superada per la de 2014 que tuèt mai d’onze mila personas, segon l’Organizacion Mondiala de la Santat (OMS). En mejana, l’Ebòla aucís près de la mitat dels infectats, mas los tausses de mortalitat dins de flambadas isoladas an variat. Dins aquesta, es d’aperaquí un 60%, çò rapòrta VilaWeb.
L’OMS coordena la responsa a la malautiá amb lo govèrn de la Republica Democratica de Còngo. Pasmens, deguèt interrompre son activitat la setmana passada. La meteissa causa es avenguda per las agéncias d’ajuda internacionala. Un nòu retard de las eleccions presidencialas a causat de protèstas violentas e d’atacs contra los trabalhadors umanitaris.
Violéncia politica
Las eleccions se deurián èsser tengudas en 2016, mas fin finala se debanèron lo 30 de decembre passat. Totun, dins las vilas de Beni e de Butembo se son retardadas fins al mes de març. Aquelas vilas son dins la província de Kivu Nòrd, qu’es la region afectada per aquela flambada d’Ebòla. Per tant, se votarà aquí qualques meses après la presa de possession del nòu president, qu’es prevista pel 18 de genier que ven, tres jorns après la proclamacion dels resultats provisòris. Aqueste fach a descadenat de grandas protèstas dels ciutadans que considèran que lor volontat es pas presa en compte.
Lo 27 de decembre passat, los atacs contra los bastiments governamentals de la vila de Beni s’espandiguèron a un centre de contraròtle de l’Ebòla, dirigit per Mètges Sens Frontièras (MSF), ont los pacients esperavan los resultats de las espròvas. Los trabalhadors d’MSF deguèron abandonar lo sit e an pas pogut tornar trabalhar normalament. Aquò daissa l’epidemia s’estendre sens contraròtle, justament al moment pus complicat.
An interromput las vaccinacions preventivas
En consequéncia de la violéncia politica que se descadena, las vaccinacions son interrompudas. Fins ara, mai de 38 000 personas èran estadas vaccinadas dins un vertadièr pas endavant. Pel primièr còp, una soca d’Ebòla èra combatuda de biais massís en vaccinant la populacion. Segon l’OMS, aquel fach aviá permés d’arrestar lo nombre de mòrts, mas l’eficacitat pòt demorar vana se la campanha de vaccinacions pòt pas contunhar a causa de las menaças fachas als mètges e als trabalhadors sanitaris. En comparason, dins la flambada de 2014 moriguèron mai d’11 000 pacients sus un total de 25 000 afectats. L’OMS crei que lo fach qu’ara i aja solament un pauc mai de 600 pacients a quicòm a veire amb l’eficacitat de la vacinacion preventiva.
Que fa l’Ebòla?
Los simptòmas de la malautiá començan amb de fèbre, una dolor musculara e mal de garganta, e puèi se pòdon complicar en vòmits, diarrèas e emorragias intèrnas e extèrnas. Lo taus mejan de mortalitat es d’aperaquí un 50%, e mai aja oscillat entre un 25% e un 90% dins de flambadas precedentas. Los emplegats de la santat riscan grèvament d’èsser contaminats e se devon servir d’un vestit de proteccion que cobrisca tot lor còrs.
Lo virus intra dins los umans per mejan del contacte pròche amb los fluids organics dels animals infectats coma las ratapenadas frugivòras e los chimpanzés. Entre las personas se propaga pel contacte dirècte amb de gents infectadas, per la pèl o las membranas mucosas rompudas, e pel contacte indirècte amb d’objèctes contaminats amb de fluids corporals, coma o poirián èsser las manetas de las pòrtas e los telefòns. Lo virus se pòt pas propagar per l’aire. Los emplegats de la santat en contacte dirècte amb los pacients infectats riscan particularament d’èsser contaminats. Las ceremònias d’enterrament qu’implican lo contacte dirècte amb lo còrs del defunt lo pòdon tanben propagar.
Lo tractament de l'Ebòla implica una reïdratacion, quitament amb de liquids intravenoses. Del mai lèu se comença lo tractament, del mai l’espèr de subrevivéncia es grand. Dins lo cas d’aquesta flambada, la granda novetat es l’existéncia del vaccin.
L’OMS coordena la responsa a la malautiá amb lo govèrn de la Republica Democratica de Còngo. Pasmens, deguèt interrompre son activitat la setmana passada. La meteissa causa es avenguda per las agéncias d’ajuda internacionala. Un nòu retard de las eleccions presidencialas a causat de protèstas violentas e d’atacs contra los trabalhadors umanitaris.
Violéncia politica
Las eleccions se deurián èsser tengudas en 2016, mas fin finala se debanèron lo 30 de decembre passat. Totun, dins las vilas de Beni e de Butembo se son retardadas fins al mes de març. Aquelas vilas son dins la província de Kivu Nòrd, qu’es la region afectada per aquela flambada d’Ebòla. Per tant, se votarà aquí qualques meses après la presa de possession del nòu president, qu’es prevista pel 18 de genier que ven, tres jorns après la proclamacion dels resultats provisòris. Aqueste fach a descadenat de grandas protèstas dels ciutadans que considèran que lor volontat es pas presa en compte.
Lo 27 de decembre passat, los atacs contra los bastiments governamentals de la vila de Beni s’espandiguèron a un centre de contraròtle de l’Ebòla, dirigit per Mètges Sens Frontièras (MSF), ont los pacients esperavan los resultats de las espròvas. Los trabalhadors d’MSF deguèron abandonar lo sit e an pas pogut tornar trabalhar normalament. Aquò daissa l’epidemia s’estendre sens contraròtle, justament al moment pus complicat.
An interromput las vaccinacions preventivas
En consequéncia de la violéncia politica que se descadena, las vaccinacions son interrompudas. Fins ara, mai de 38 000 personas èran estadas vaccinadas dins un vertadièr pas endavant. Pel primièr còp, una soca d’Ebòla èra combatuda de biais massís en vaccinant la populacion. Segon l’OMS, aquel fach aviá permés d’arrestar lo nombre de mòrts, mas l’eficacitat pòt demorar vana se la campanha de vaccinacions pòt pas contunhar a causa de las menaças fachas als mètges e als trabalhadors sanitaris. En comparason, dins la flambada de 2014 moriguèron mai d’11 000 pacients sus un total de 25 000 afectats. L’OMS crei que lo fach qu’ara i aja solament un pauc mai de 600 pacients a quicòm a veire amb l’eficacitat de la vacinacion preventiva.
Que fa l’Ebòla?
Los simptòmas de la malautiá començan amb de fèbre, una dolor musculara e mal de garganta, e puèi se pòdon complicar en vòmits, diarrèas e emorragias intèrnas e extèrnas. Lo taus mejan de mortalitat es d’aperaquí un 50%, e mai aja oscillat entre un 25% e un 90% dins de flambadas precedentas. Los emplegats de la santat riscan grèvament d’èsser contaminats e se devon servir d’un vestit de proteccion que cobrisca tot lor còrs.
Lo virus intra dins los umans per mejan del contacte pròche amb los fluids organics dels animals infectats coma las ratapenadas frugivòras e los chimpanzés. Entre las personas se propaga pel contacte dirècte amb de gents infectadas, per la pèl o las membranas mucosas rompudas, e pel contacte indirècte amb d’objèctes contaminats amb de fluids corporals, coma o poirián èsser las manetas de las pòrtas e los telefòns. Lo virus se pòt pas propagar per l’aire. Los emplegats de la santat en contacte dirècte amb los pacients infectats riscan particularament d’èsser contaminats. Las ceremònias d’enterrament qu’implican lo contacte dirècte amb lo còrs del defunt lo pòdon tanben propagar.
Lo tractament de l'Ebòla implica una reïdratacion, quitament amb de liquids intravenoses. Del mai lèu se comença lo tractament, del mai l’espèr de subrevivéncia es grand. Dins lo cas d’aquesta flambada, la granda novetat es l’existéncia del vaccin.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari