Actualitats
Lo NACNUR intercedís per la gojata saudiana arrestada a l’aeropòrt de Bangkok
Rafah Al Qunun fugís sa familha après aver refusat un maridatge arrengat e recebut de menaças de mòrt. Canadà a acceptat sa demanda d’asil
L’ÒNU reconeis coma refugiada una gojata saudita que fugiguèt sa familha e foguèt retenguda en Tailàndia. Lo Naut Comissariat de las Nacions Unidas pels Refugiats (NACNUR) a demandat a Austràlia que considère sa demanda d’asil. Enfin, es Canadà qu'a acceptat d'aculhir la gojata.
L’afar de Rafah Muhammad Al Qunun se coneguèt dissabte passat quand ela foguèt interceptada a l’aeropòrt de Bangkok e la daissèron pas prene un autre avion devèrs Austràlia ont voliá demandar l'asil. Ela veniá de Kowait, ont se trobava amb sa familha, e assegura que l’avián maltractada e que se tornava la tuarián car aviá refusat un maridatge arrengat e aviá renonciat a la religion islamica.
Rafah Al Qunun s’embarrèt dins una ostalariá de la zòna de transit de l’aeropòrt tailandés e assabentèt de sa situacion amb son telefòn mobil del temps qu’assolidava que sortiriá pas fins que poguèsse parlar amb un representant del NACNUR. Dos jorns pus tard, après que son afar aguèt virat pel Mond, las autoritats tailandesas li tornèron son passapòrt, e la vesitèt un representant de l’agéncia de las Nacions Unidas. Ara, lo NACNUR la reconeis coma refugiada e demanda a Austràlia que considère sa demanda d’asil.
Las autoritats austalianas esperavan la demanda del NACNUR per estudiar son cas. Ara, segon lo ministre australian de l’Interior, se tractarà son afar “de la manièra abituala coma se fa amb totes los cases del NACNUR”, sens qu’ela recépia “cap de tractament especial”. Segon la directritz d’Human Rights Watch d’Austràlia, lo govèrn d’aquel país deu agir rapidament car Al Qunun “es mai en perilh que d’autres refugiats, pas solament per las menaças de sa familha, mas tanben per las qu’a recebudas per Internet de part de son govèrn”, lo de l’Arabia Saudita. “Totes sabèm çò qu’es capable de far lo govèrn saudian en territòri estrangièr”, çò precisèt.
De son costat, l’ambaissada de l’Arabia Saudita a Bangkok planh que lo govèrn tailandés li aguèsson levat son passapòrt al luòc del telefòn mobil per empachar la difusion internacionala de son afar.
Aquel afar arriba quand las relacions de l’Arabia Saudita amb d’autres païses es a un marrit moment a causa de la crisi umanitària de la guèrra de Iemèn e de l’assassinat del jornalista Jamal Khashuqji al consolat saudian d’Istambol.
L’afar de Rafah Muhammad Al Qunun se coneguèt dissabte passat quand ela foguèt interceptada a l’aeropòrt de Bangkok e la daissèron pas prene un autre avion devèrs Austràlia ont voliá demandar l'asil. Ela veniá de Kowait, ont se trobava amb sa familha, e assegura que l’avián maltractada e que se tornava la tuarián car aviá refusat un maridatge arrengat e aviá renonciat a la religion islamica.
Rafah Al Qunun s’embarrèt dins una ostalariá de la zòna de transit de l’aeropòrt tailandés e assabentèt de sa situacion amb son telefòn mobil del temps qu’assolidava que sortiriá pas fins que poguèsse parlar amb un representant del NACNUR. Dos jorns pus tard, après que son afar aguèt virat pel Mond, las autoritats tailandesas li tornèron son passapòrt, e la vesitèt un representant de l’agéncia de las Nacions Unidas. Ara, lo NACNUR la reconeis coma refugiada e demanda a Austràlia que considère sa demanda d’asil.
Las autoritats austalianas esperavan la demanda del NACNUR per estudiar son cas. Ara, segon lo ministre australian de l’Interior, se tractarà son afar “de la manièra abituala coma se fa amb totes los cases del NACNUR”, sens qu’ela recépia “cap de tractament especial”. Segon la directritz d’Human Rights Watch d’Austràlia, lo govèrn d’aquel país deu agir rapidament car Al Qunun “es mai en perilh que d’autres refugiats, pas solament per las menaças de sa familha, mas tanben per las qu’a recebudas per Internet de part de son govèrn”, lo de l’Arabia Saudita. “Totes sabèm çò qu’es capable de far lo govèrn saudian en territòri estrangièr”, çò precisèt.
De son costat, l’ambaissada de l’Arabia Saudita a Bangkok planh que lo govèrn tailandés li aguèsson levat son passapòrt al luòc del telefòn mobil per empachar la difusion internacionala de son afar.
Aquel afar arriba quand las relacions de l’Arabia Saudita amb d’autres païses es a un marrit moment a causa de la crisi umanitària de la guèrra de Iemèn e de l’assassinat del jornalista Jamal Khashuqji al consolat saudian d’Istambol.
#BREAKING :: #Latest Pictures out of #Thailand
— Zippy (@princezip) 7 de gener de 2019
Rahaf is leaving #Bangkok Airport under United Nations care. #SaveRahafpic.twitter.com/KSaZtJiFBo
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari