Actualitats
Los Estats Units son dins lor “shutdown” pus long de l’istòria
Lo braç de fèrre de Trump amb lo Congrès, sus la bastison d’un mur frontalièr amb Mexic, reten 800 000 foncionaris sens paga
Uèi fa 24 jorns que los Estats Units comencèron lo barrament parcial de las activitats del govèrn federal. Es lo “shutdown” (barrament) mai long de l’istòria dels Estats Units, aqueste còp a causa del braç de fèrre qu’i jògan lo president, Donald Trump, e lo Congrès per finançar lo mur de Mexic. Trump se mòstra inflexible sul besonh de bastir lo mur sus la frontièra politica dels Estats Units amb Mexic e manten lo “shutdown” tant qu’obtendrà pas de fonzes per lo finançar. De son caire, los democratas, qu’an la majoritat a la Cambra dels Representants, refusan de li’n donar lo finançament.
Mentretant, Trump comença d’alestir lo terren per declarar l’estat d’emergéncia sus la frontièra amb Mexic. Dins aquel sens a parlat de la possibilitat de destinar de fonzes reservats a las catastròfas per bastir lo mur. S’o fa, la polemica serà bèla.
800 000 salariats sens paga
Una de las consequéncias pus grèvas del barrament es qu’aperaquí 800 000 salariats del govèrn son en comjat temporari sens paga, e la crisi menaça lors familhas. Qualques unes an començat de cercar d’emplecs temporaris, d’autres se son mobilizats. Son inquiets pr’amor que degun lor a pas dich quant de temps s’esperlongarà aqueste “shutdown”.
Trump afirma que la majoritat dels estatsunidencs comprenon sa posicion.
Mentretant, Trump comença d’alestir lo terren per declarar l’estat d’emergéncia sus la frontièra amb Mexic. Dins aquel sens a parlat de la possibilitat de destinar de fonzes reservats a las catastròfas per bastir lo mur. S’o fa, la polemica serà bèla.
800 000 salariats sens paga
Una de las consequéncias pus grèvas del barrament es qu’aperaquí 800 000 salariats del govèrn son en comjat temporari sens paga, e la crisi menaça lors familhas. Qualques unes an començat de cercar d’emplecs temporaris, d’autres se son mobilizats. Son inquiets pr’amor que degun lor a pas dich quant de temps s’esperlongarà aqueste “shutdown”.
Trump afirma que la majoritat dels estatsunidencs comprenon sa posicion.
It’s #Shutdown, Day #21 & #StandForSaneGovernment, Week #102! New sign. New paint color: Emergency Red! pic.twitter.com/nLQmfEBZvF
— Jane McNamara (@jhmcnamara) 11 de gener de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Rire de Trump es mielhs que de s'occupar daus gilets jaunes. Jornalet s'apuia sur de las informacions que serian neutres mas quò es benleu pas lo cas. Perque Trump a basonh de bastir un mur, zo sabe pas; sabe pas si quò es per empeschar lo passatge de la drògua o de paubres inocents.
Per far comprener la situacion l'òm se sert d'un mot angles (shutdown) coma si avia pas pron de mots frances o occitans e qu'es, a ilh tot sol, un programme politic.
Los gilets jaunes son trapats a ganhar la batalha dau Web, ai legit quauque part mas Jornalet es en tren de la perdre. Segur l'òm pòd pas comparar mas ...
Jornalet a lo dreit de parlar de Sobirous mas tanben d'oblidar los catars. Aqueus monde eran talament dualistes que pus degun vòl en auver parlar. Nòstra societat es basada sur " tot es blanc o tot es negre.
Fin finala occupam -nos un pauc mai de se pus leu que de l'autre. Nòstra paraula, nòstra pensada fabrica la societat. Jornalet nos mena benleu inconsciempent vers de la co-creacion negativa e quò se sens tras los comentaris. Fasam de la co-creacion positiva.
Coma disia la fada de Montpelièr: "retene pas tot çò que legisse mas sei pron inteligenta per pensar per me-mesme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari