De desenats de milièrs de personas manifestèron dissabte a Baiona e a Bilbao per revendicar la fin de l’actuala politica penitenciària de dispersion dels presonièrs d’ETA e qu’aquestes foguèsson menats a de presons del Bascoat. Segon lo recompte dels jornals Gara e Mediabask, 9000 personas manifestèron dins la capitala del Bas Ador del temps que la vila basca comptava 85 000 manifestants.
 
Aquelas manifestacions reclamavan non solament la fin de la dispersion dels presonièrs mas tanben la fin d’autras mesuras especialas que l’estat espanhòl aplica solament als presonièrs bascos.
 
“La societat basca se resigna pas e vòl pas que se manque als dreches dels presonièrs e de lors familhas que patisson d’un biais dirècte l’actuala politica penitenciària”, çò disiá lo manifèst legit a la fin de las protèstas. “La societat  torna demostrar que las diferentas opinions politicas son pas un obstacle per la defensa unanima dels dreches umans”, çò se legiguèt en tot far una crida a “crear los espacis de convivéncia que desira la societat basca après de decennis de confrontacion e de violéncias”. Dins aquel sens s’insistiguèt per demandar de “barrar lo cicle de violéncias e repression per intrar dins lo cercle de la pacificacion, de la convivéncia e de la democracia”.
 
Una delegacion catalana participèt a la manifestacion de Bilbao ont i aviá de parents dels presonièrs politics catalans.
 
 
 

Euskal presoak etxera!@ArnaldoOtegi#OrainPresoak#AhoraLxsPresxs  #MaintenantLesPrisonnieres#NowPrisonerspic.twitter.com/Ry4jbH49aC

— EH Bildu (@ehbildu) 12 de gener de 2019