Es mai complicat d’aver de suspresas al rugbi qu’al fotbòl (coma l’eliminacion del PSG per Gwengamp en Copa de la Liga) dins las partidas de Copa entre formacions d’escalons diferents, mas i pòt aver un còp o l’autre una excepcion.
Trentèls dins lo ròtle del Pichon Pocet
Atal, una sola partida dels 16ns de la copa Lòrd-Derby a cambavirat la ierarquia: Trentels (Nacionala 1) a eliminat l’Escura (Elèit 2): 16-12. Acompanharà en 8n de finala nòu formacions d’Elèit1:
— Lesinhan qu’a batut, al Molin, lo campion Avinhon 16-9,
— los venceires de formacions d’Elèit 2: los tenents, los Dragonets (victòria a Ferrals: 54-12), Limós (36-14, a Baó); Albi (58-0, a Tonens),
— los venceires contra las esquipas de Nacionala 1: St Gaudenç (56-8, a Ramonvila), Palau (victòria al Barcarés: 42-18),
— los venceires contra las formacions de Nacionala 2: Tolosa (victòria a Aspet: 62-2), Vilanòva (56-12 cò del vesin Pujòls)
— e Carcassona que va batre los catalans de Federala, Toluges: 58-10.
— los venceires de formacions d’Elèit 2: los tenents, los Dragonets (victòria a Ferrals: 54-12), Limós (36-14, a Baó); Albi (58-0, a Tonens),
— los venceires contra las esquipas de Nacionala 1: St Gaudenç (56-8, a Ramonvila), Palau (victòria al Barcarés: 42-18),
— los venceires contra las formacions de Nacionala 2: Tolosa (victòria a Aspet: 62-2), Vilanòva (56-12 cò del vesin Pujòls)
— e Carcassona que va batre los catalans de Federala, Toluges: 58-10.
Sièis formacions d’Elèit 2 seràn de la partida los 9 e 10 de març: las qu’an batut d’autras formacions d’Elèit 2: Carpentràs que ganha a Tolon aprèp prolongacions (16-12), Pià qu’escarta Vilanòva de Menerbés (40-28). Vilagalhenc-Argon ganha lo dèrbi contra Val de Danha (Nacionala-1): 44-14; Entraigas bat Sant Martin de Crau (autra formacion de Nacionala 1): 40-24.
Lion bat Ate (Nacionala-2): 34-18 e Vilafranca de Roergue s’impausa a Caors (Federala): 64-2.
Los Dracs privats de Cup?
Los angleses son totjorn susprenents. La federacion anglesa (RFL) trapa que lo nombre mendre d’espectators a la finala de la Cup de Wembley d’agost passat ven de la participacion dels catalans. Demanda una caucion de 500 000 liuras als catalans per aver lo dreit de prene part a la competicion.
Faguèt la meteissa demanda a Tolosa e a Toronto que se son pas inscriches per jogar la Cup. Los clubs de Superliga an anonciat lor sosten als Dragons qu’espèran que la RFL torne sus sa demanda!
Los Dragons lançan la sason 2019
Aprèp un sejorn als Angles e aver caminat doas oradas dins la nèu, los Dragons van persegre la preparacion de la sason novèla amb doas partidas amicalas sus la pelena de Brutus: aqueste divendres 18 de genièr (19h30) contra lo XIII del president, una seleccion dels melhors jogaires del campionat d’Elèit 1, puèi lo divendres 25 de genièr contra lo Tolosa Olimpic.
Consequéncia: la jornada de campionat qu’èra prevista per aquesta dimenjada es remandada als 26 e 27 de genièr.
La presentacion de l’efectiu 2019 se farà aqueste dimars 15 de vèspre al Barcarés.
Los catalans jogaràn la primièra partida de Superliga lo divendres 1èr de febrièr cò dels Tigres de Castleford, abans de reçaupre los Gigants d’Huddersfield lo dissabte 9 de febrièr.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una critica del libre « Lo XIII, aquò òc ! » :
http://lo.lugarn-pno.over-blog.org/2019/01/alan-roch-e-lo-rugbi-de-tretze.html
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari