Actualitats
Lo parlament britanic a amplament votat contra l'acòrdi de Brexit
Aquela revirada crèa una crisi politica que sas dimensions son encara desconegudas
La Cambra dels Comuns refusèt dimars passat amplament l’acòrdi entre lo Reialme Unit e l’Union Europèa sul Brexit. 202 deputats votèron en favor del pache mentre que 432 rebutavan lo Brexit pachat amb l’UE que Theresa May aviá presentat als deputats. Aquò a creat una crisi que sas dimensions son encara desconegudas.
E mai lo Brexit foguèsse previst pel 29 de març, ara sabèm pas quora se passarà car la majoritat dels parlamentaris an votat contra. Plusors son partisans d’un Brexit mai dur.
Aquela revirada poiriá quitament provocar la demission de la primièra ministra, Theresa May, e la convocacion d’eleccions.
Ara lo govèrn britanic poiriá prepausar sul pic al Parlament una fuèlha de rota pel Brexit. Mentretant, l’UE pòt ajornar la data del Brexit per donar d’aire a May e poder tornar negociar los tèrmes del pache. Mas tanben i poiriá aver un Brexit sens acòrdi, çò qu’auriá de consequéncias economicas negativas pel Reialme Unit e per l’UE.
Reaccions
De son caire, la primièra ministra d’Escòcia, Nicola Sturgeon, a demandat un segond referendum sul Brexit en tot remembrar que los escoceses avián votat majoritàriament contra. Quant al president de la Comission Europèa, Jean-Claude Juncker, a sollicitat del Reialme Unit “qu’esclarzisca sas intencions” al pus lèu possible.
Mocion de censura
La cambra britanica presentèt ièr una mocion de censura qu'aguèt pas pro de vòtes per fòrabandir May del govèrn. De fach, una mocion de censura pòt aver tres consequéncias possiblas:
Per ara, ièr se'n presentèt una sens pro de vòtes per fòrabandir May.
E ara que pòt arribar?
Ara sabèm pas çò que se pòt passar. L’opcion pus marrida seriá que los deputats acceptèsson de quitar l’UE sens acòrdi.
D'un caire, lo Reialme Unit poiriá demandar una autra negociacion sul Brexit, mas aquò dependriá de l’UE qu’a l’ora d’ara a dich qu’o acceptariá pas. E mai s’o acceptèsse se caldriá metre lèu al trabalh per sarrar un pache abans las eleccions europèas del mes de mai, puèi qu’al nòu Parlament Europèu i aurà pas pus de deputats del Reialme Unit.
D’autre caire, es fòrça probable que lo govèrn britanic demande d’eleccions parlamentàrias amb la tòca que i aja un mandat popular pus clar. Mas per o far, la primièra ministra auriá de besonh del vòte favorable de doas de las tres parts del Parlament.
La darrièra possibilitat es de convocar un segond referendum sul mantenement del Reialme Unit dins l’Union Europèa. Legalament, se pòt pas far abans lo 29 de març, e per tant, aquela opcion auriá de sens sonque se l’Union Europèa acceptèsse d’endarrierar la data definitiva per la separacion del Reialme Unit e de l’UE.
E mai lo Brexit foguèsse previst pel 29 de març, ara sabèm pas quora se passarà car la majoritat dels parlamentaris an votat contra. Plusors son partisans d’un Brexit mai dur.
Aquela revirada poiriá quitament provocar la demission de la primièra ministra, Theresa May, e la convocacion d’eleccions.
Ara lo govèrn britanic poiriá prepausar sul pic al Parlament una fuèlha de rota pel Brexit. Mentretant, l’UE pòt ajornar la data del Brexit per donar d’aire a May e poder tornar negociar los tèrmes del pache. Mas tanben i poiriá aver un Brexit sens acòrdi, çò qu’auriá de consequéncias economicas negativas pel Reialme Unit e per l’UE.
Reaccions
De son caire, la primièra ministra d’Escòcia, Nicola Sturgeon, a demandat un segond referendum sul Brexit en tot remembrar que los escoceses avián votat majoritàriament contra. Quant al president de la Comission Europèa, Jean-Claude Juncker, a sollicitat del Reialme Unit “qu’esclarzisca sas intencions” al pus lèu possible.
Mocion de censura
La cambra britanica presentèt ièr una mocion de censura qu'aguèt pas pro de vòtes per fòrabandir May del govèrn. De fach, una mocion de censura pòt aver tres consequéncias possiblas:
— que lo govèrn de May ganhe la mocion e demòre, coma es lo cas
— que la pèrda e lo nòu primièr ministre siá un autre trabalhista o ben un conservator,
— que ni lo govèrn ni l’oposicion sián pas capables de convenir d’un nòu primièr ministre e que se convòque d’eleccions automaticament.
— que la pèrda e lo nòu primièr ministre siá un autre trabalhista o ben un conservator,
— que ni lo govèrn ni l’oposicion sián pas capables de convenir d’un nòu primièr ministre e que se convòque d’eleccions automaticament.
Per ara, ièr se'n presentèt una sens pro de vòtes per fòrabandir May.
E ara que pòt arribar?
Ara sabèm pas çò que se pòt passar. L’opcion pus marrida seriá que los deputats acceptèsson de quitar l’UE sens acòrdi.
D'un caire, lo Reialme Unit poiriá demandar una autra negociacion sul Brexit, mas aquò dependriá de l’UE qu’a l’ora d’ara a dich qu’o acceptariá pas. E mai s’o acceptèsse se caldriá metre lèu al trabalh per sarrar un pache abans las eleccions europèas del mes de mai, puèi qu’al nòu Parlament Europèu i aurà pas pus de deputats del Reialme Unit.
D’autre caire, es fòrça probable que lo govèrn britanic demande d’eleccions parlamentàrias amb la tòca que i aja un mandat popular pus clar. Mas per o far, la primièra ministra auriá de besonh del vòte favorable de doas de las tres parts del Parlament.
La darrièra possibilitat es de convocar un segond referendum sul mantenement del Reialme Unit dins l’Union Europèa. Legalament, se pòt pas far abans lo 29 de març, e per tant, aquela opcion auriá de sens sonque se l’Union Europèa acceptèsse d’endarrierar la data definitiva per la separacion del Reialme Unit e de l’UE.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8
Los defauts de l'UE que'us conseishem tots. Mes aqueth ahar n'ei pas ua istòria de maishants euròcrats qu'empachan los anglés de sortir d'Euròpa.
Au lendoman deu vòte de 2016, qu'èri convençut qu'Angleterra ne sortira pas de l'UE per'mor, au demiei deus responsables politics de purmèr plan, n'i avè pas DIGUN qu'at volè. Lo David Cameron qu'avè per mira de's servir deu referendòm entà negociar un estatut especiau peu son país en dehens de l'Union (mes la bomba que l'i a petat a la cara). En fàcia, Boris Johnson qu'arrefusè lo pòste de purmèr ministre au lendoman de la victòria deu "leave" e lo Nigel Farrage que deishè la politica... Que calè anar cercar la praube Teresa May non sèi pas on entà gerir un baston merdós qu'arrés ne voló tocar.
De mei, lo parlament n'ei pas fotut d'aprovar un tèxte per'mor d'estar partatjat enter los brexiters e los remainers. La sola causa qu'an en comun qu'ei l'arrefús de tot accòrd per rasons diametraument opausadas (rejetar tot accòrd que que sia dab Euròpa taus uns, non pas voler aprovar un accòrd de sortida de l'UE taus autes). E los electors que's son apercebuts qu'estón estats borrats per ua campanha mensongèra (los famós 350 milions de liuras ebdomadàrias tau NHS) financiada per Russia...
La sola alternativa seriosa a l'UE que seré lo sobirainisme. Mes promóver lo sobirainisme francés entà escapar au "jacobinisme" europèu que seré com si un moton e volè anar de cap au lop entà escapar a l'aulhèr.
#6 Veirètz que "coma per azard" los engleses seran convidats a votar tornamai. Qu'aquèste cop, "coma per azard" votaràn enfin "plan". Coma aquo se faguèt dins totes los païses europencs ont la resulta dels referendums agradava pas a l'UE. Del cop Englaterra demorarà dins Europa, al grand solaçament de Brussèlas e Paris que saludaran aquel "retorn a la rason" portat per las urnas. E plan segur, promès, jurat, las institucions europencas seran per pas res dins aquel miracle. Quand al jacobinism de Brussèlas, se cal remembrar que França metèt força de son ADN dins la construccion europenca. Cercatz pas pus luenh d'ont ven aquel fonccionament reial e sobeiran de l'UE que vos impausa sas decisions autoritariament mas totjorn "per vostre ben". O puslèu las impausa als pobles mas sustot pas als estats. Normal, es una Europa d'estats e doncas quand un estat coma França refusa de ratificar la charta europenca de las lengas minorizadas om lo fai sustot pas cagar. Cap d'obligacions o de mesuras de retorsions, la vertuosa Brussèlas prefèra agachar endacom. Coma o-faguèt en 2016 amb lo cop de força de Madrid contra Catalonha. Mas sem plan d'acordi, las aparencias son sauvas..
#3 Interdit de sortir d'Euròpa, e a l'interior d'Euròpa, interdit de sortir d'una evolucion sempre mai liberala e financiarista : plan venguts dins lo mond real ! E òc, paure Neo, auriás degut causir la pastilha blava…
#3
Lo problèma aquiu n'ei pas l'UE qu'interdiré de sortir mes los anglés que ne son pas d'accòrd enter eths.
Un accòrd qu'èra trobat enter lo govern anglés e l'UE mes que vien d'estar rejetat per ua partida deus deputats qui ne volèn pas d'un accòrd de sortida per'mor que vòlen demorar dens l'UE, e ua auta partida, los hard brexiters, que ne vòlen pas nat ligam dab Euròpa..
Taus qui voleren escapar au "jacobinisme" de l'UE, a l'endòst hens las frontèras exagonaus, que rapèri que l'Euròpa "jacobina" que harguè la carta de las lengas minorizadas e qu'ei l'estat francés que ne la voló pas signar...
#4 La sortida d'Occitània de França aquò seriá plan
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari