Actualitats
Sevilha: de milièrs de manifestants feministas e sindicalistas contra l’investidura de Juanma Moreno
Lo nòu president regional es estat elegit après un acòrdi entre los dos partits drechistas (PP e Ciudadans) amb l’ultradrecha de Vox
Lo recampament se tenguèt jol lèma “Cap de pas endarrièr sus l’egalitat e la diversitat. Nòstres dreches se negòcian pas”, e foguèt convocat per divèrses collectius feministas que planhon las proposicions de Vox de cambiar las leis que protegisson las femnas contra la violéncia masclista. Dins la manifestacion se cridava “defòra, faissistas, de nòstre parlament”, “exageram pas, nos assassinan” o “sèm lo crit de las que i son pas pus”.
Los collectius feministas los acompanhavan los sindicats SAT, UGT e CCOO e quitament qualques caps regionals del Partit Socialista (PSÒE) que volián denonciar “lo pache de la vergonha”.
Dins son discors d’investidura, Juanma Moreno expliquèt que lo pache amb Vox èra una responsa a la volontat de cambiament dels andaloses après gaireben quaranta ans de govèrns socialistas. E mai sollicitèt de totes los partits del parlament qu’escometèsson sul dialòg “sens cordons sanitaris”, en referéncia a las nombrosas demandas d’isolar l’ultradrecha qu’èran arribadas de pertot en Euròpa.
Impresionante movilización feminista en las puertas del @ParlamentoAnd... Sin feminismo no hay futuro! #NiUnPasoAtrás#NuestrosDerechosNoSeNegocianpic.twitter.com/XakofcQcMQ
— SAT Andalucía (@SAT_nacional) 15 de gener de 2019
Participando en la concentración convocada en Sevilla para dejar claro que las mujeres no somos objetos y con nuestros derechos no pueden jugar 3 hombres y cambiárselos como si fueran cromos. Junto a vosotras siempre!! #Niunpasoatrásenigualdad#Nuestrosderechosnosenegocianpic.twitter.com/FO1MSPc9KX
— Ana Isabel Jiménez (@anaisabel_jc) 15 de gener de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Ailàs! Francesc! Es plan aital: la cançon de La Trinca (annadas 80 me sembla) que disiá lo contrari : « la faixa està de baixa », es pas pus d’actualitat. Fas ben de sotalinhar aital que lo faissisme torna nasejar portat per un espanholisme completalent caluc.
La faixa,
la faixa non vol estar de rebaixas.
vol liquidar pas lo faixisme
ara son dividits amb tres,
los altrament dits ,
faixistes.
Aquí lo ressultat de l’anticatalanisme primari e del « A por ellos » dins lo mai pur estil nazi que s’espandiguèt per Andalosia quand los gàrdias civils sortiguèron de Sevilha per anar matrassar los catalans que volián votar per faire viure la democracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari