Actualitats
China càmbia los 15 ans de preson en pena capitala per un ciutadan canadenc
Las relacions dels dos païses son marridas dempuèi qu’en Canadà arrestèron una nauta dirigenta de la societat Huawei a la demanda de la justícia estatsunidenca
Totjorn dins lo contèxt de l’afar Huawei, creis la tension diplomatica entre China e Canadà. Ara China a cambiat la condemna de 15 ans de preson en pena capitala per Robert Lloyd Schellenberg, un ciutadan canadenc acusat de trafec de drògas. Se, segon lo primièr ministre de Canadà, Justin Trudeau, la decision chinesa es arbitrària, China a demandat lo respècte en qualificant los comentaris de Trudeau “d’irresponsables”.
Trudeau a manifestat la “grèva preocupacion” del govèrn canadenc, un chepic que segon el s’estend “a totes [lors] amics de la comunautat internacionala e aliada, que China aja causit d’aplicar arbitràriament la pena capitala”. A mai, lo ministre dels afars estrangièrs de Canada avertís ara que los ciutadans d’aquel país corron de risques se vesitan China. De son costat, la pòrtavotz del govèrn chinés, Hua Chunying, a dich que las declaracions de Trudeau son “una error” e que son “irresponsablas” en tot exigir que se respècte la legislacion de son país.
Schellenberg es arrestat dempuèi 2014: l'acusan d’aver ensajat de mandar d’Austràlia en China 222 quilos d’anfetaminas amagadas dins de gomas. Lo condemnèron a 15 ans de preson mas, fin finala, diluns passat li impausèron la pena de mòrt.
Amnestia Internacionala (AI) reclama al país asiatic que revòque la condemna de Schellenberg. “Lo sistèma de pena capitala de China es opac”, çò ditz l’organizacion umanitària que met en question la justícia chinesa. “Lo jutjament es sovent pas qu’un espectacle amb lo resultat ja decidit”, çò assegura.
L’afar Huawei
Las relacions dels dos païses son marridas dempuèi qu’en Canadà detenguèron Meng Wanzhou, una nauta dirigenta de la societat chinesa Huawei. L’arrestèron lo 1r de decembre de 2018 en Canadà a la demanda de la justícia estatsunidenca. Remesa en libertat jos caucion, ara Meng risca d’èsser extradida devèrs los Estats Units.
China i respondèt alavetz amb la detencion de dos ciutadans canadians que, segon las autoritats chinesas, metián “en perilh la seguretat estatala”.
Trudeau a manifestat la “grèva preocupacion” del govèrn canadenc, un chepic que segon el s’estend “a totes [lors] amics de la comunautat internacionala e aliada, que China aja causit d’aplicar arbitràriament la pena capitala”. A mai, lo ministre dels afars estrangièrs de Canada avertís ara que los ciutadans d’aquel país corron de risques se vesitan China. De son costat, la pòrtavotz del govèrn chinés, Hua Chunying, a dich que las declaracions de Trudeau son “una error” e que son “irresponsablas” en tot exigir que se respècte la legislacion de son país.
Schellenberg es arrestat dempuèi 2014: l'acusan d’aver ensajat de mandar d’Austràlia en China 222 quilos d’anfetaminas amagadas dins de gomas. Lo condemnèron a 15 ans de preson mas, fin finala, diluns passat li impausèron la pena de mòrt.
Amnestia Internacionala (AI) reclama al país asiatic que revòque la condemna de Schellenberg. “Lo sistèma de pena capitala de China es opac”, çò ditz l’organizacion umanitària que met en question la justícia chinesa. “Lo jutjament es sovent pas qu’un espectacle amb lo resultat ja decidit”, çò assegura.
L’afar Huawei
Las relacions dels dos païses son marridas dempuèi qu’en Canadà detenguèron Meng Wanzhou, una nauta dirigenta de la societat chinesa Huawei. L’arrestèron lo 1r de decembre de 2018 en Canadà a la demanda de la justícia estatsunidenca. Remesa en libertat jos caucion, ara Meng risca d’èsser extradida devèrs los Estats Units.
China i respondèt alavetz amb la detencion de dos ciutadans canadians que, segon las autoritats chinesas, metián “en perilh la seguretat estatala”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E pensar que China es en camin d'èsser lo gendarma mondial que ven! En luòc de resistir, totes los governaments li lèpan lo cuol.
Question subsidiàia: quand n'i a demest nosautres qu'an un Hawei?
Al sègle XX, aquò se disiá "Guèrra Freda"…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari