Actualitats
Berlusconi se presentarà a las eleccions europèas
Pel Cavaliere lo centredrecha italian tornarà lèu amb vam car prevei que capitarà mal l’aliança entre la Liga Nòrd e lo Movement Cinc Estelas
L’èx-primièr ministre italian Silvio Berlusconi, qu’aurà 83 ans ongan, a anonciat que se presentarà coma candidat a las eleccions al Parlament Europèu, que se tendràn lo 26 de mai, e a augurat que lo centredrecha italian tornarà lèu amb vam perque aurà mal capitat l’aliança entre la Liga Nòrd e lo Movement Cinc Estelas.
“Serai candidat a las eleccions europèas. I serai per arrestar aqueste govèrn, coma en 1994 quand decidiguèri d’arrestar los comunistas”, çò a afirmat l’èx-cap del govèrn italian, segon Il Corriere della Sera.
L’èx-primièr ministre italian èra en Sardenha per tenguda d’eleccions parcialas per elegir lo successor del deputat Andrea Mura, del Movement Cinc Estelas. Berlusconi a seguit lo camin marcat dijòus dins l’illa pel viceprimièr ministre encargat de l’Interior, Matteo Salvini, per criticar lo candidat del Movement Cinc Estelas qu’a renonciat a son sèti de deputat. D’efièch, Berlusconi es convencut que son partit tornarà pachar amb l’ultradrechista Liga quand se serà romput l’acòrdi amb lo Movement Cinc Estelas, que pel Cavaliere es “antinatural”.
“Serai candidat a las eleccions europèas. I serai per arrestar aqueste govèrn, coma en 1994 quand decidiguèri d’arrestar los comunistas”, çò a afirmat l’èx-cap del govèrn italian, segon Il Corriere della Sera.
L’èx-primièr ministre italian èra en Sardenha per tenguda d’eleccions parcialas per elegir lo successor del deputat Andrea Mura, del Movement Cinc Estelas. Berlusconi a seguit lo camin marcat dijòus dins l’illa pel viceprimièr ministre encargat de l’Interior, Matteo Salvini, per criticar lo candidat del Movement Cinc Estelas qu’a renonciat a son sèti de deputat. D’efièch, Berlusconi es convencut que son partit tornarà pachar amb l’ultradrechista Liga quand se serà romput l’acòrdi amb lo Movement Cinc Estelas, que pel Cavaliere es “antinatural”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ba! Nautres avèm l'amic de Benalla coma president, alara los afars de Berlusconi...
La dreta primer provoca que hi hagi alhaus d'emigrans que fugen de las guerras que provocan a Siria e l'Extrem Orient, perquè guanhe los fachas. E aprés se presenta coma la salvadora de la democràcia.
E centre-dreita, amb aquò ? Curiosa concepcion del "centre". O tròbi ieu fòrça fòrça lateral, per un centre, un pauc coma Macron…
Amb tota la quincalha d'afars judiciàrias de totas menas que trigossa darrièr el, aqueste arlèri non manca pas d'aire, pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari